La Estela de Merneptah, tamién llamada Estela de la victoria o Estela d'Israel, ye una llábana de granitu gris, alzada pol rei Amenhotep III ya inscrita más tarde, nel aviesu, pol rei Merneptah pa conmemorar la so victoriosa campaña militar en tierres de Canaán hacia 1210 e.C.
Descubrimientu ya importancia
La estela foi afayada en 1896 por Flinders Petrie nel templu funerariu de Merenptah, na rexón de Tebes (Exiptu). La piedra algamó gran notoriedá porque'l testu grabáu inclúi posiblemente la primer mención conocida d'Israel (esto ye, los israelites como grupu), na penúltima llinia, dientro d'una llista de los pueblos derrotaos por Merneptah. Por esta razón, munchos académicos denómenla "Estela d'Israel".
Traducción
Les distintes traducciones dan el mesmu sen a la mención de quien foron derrotaos:
Los pueblos mentaos na estela lleven el determinativuSufixu exipciu, non fonéticu, indicando'l grupu conceptual de la pallabra. de tierra foriato, pero Israel méntase de distinta manera, al usar el determinativu como un xentiliciu: falar de «les xentes d'Israel», amosando que pa los exipcios d'esa dómina, Israel yera consideráu un grupu estranxeru. Esti importante primer documentu estra-bíblicu espresa amás la presencia de los israelites como unu de los grupos que pueblen l'área del llevante mediterraneu.Primeros nicios sobre l'orixe d'Israel
El testu nun tien de lleese como un poema, yá que pa los antiguos exipcios, el testu escritu, en cuantes que susbsitiese, tenía'l valor de referise al mundu real.Claire Lalouette, Thèbes ou la naissance de l'empire, París: Flammarion, 1995, p. 53 y nota 69 en p. 589.
Ver tamién
Merenptah
L'apartáu "Dominiu exipciu" del artículu "Historia del Antiguu Israel"
Notes
Enllaces esternos
Testu inglés de Miriam Lichtheim. Testu inglés .
Categoría:Lliteratura del Antiguu Exiptu Categoría:Dinastía XIX Categoría:Historia d'Israel Merenptah Categoría:Escultures d'Exiptu del sieglu XIII e.C. Categoría:Lliteratura d'Exiptu Categoría:Ascalón Categoría:Coleiciones del Muséu Exipciu d'El Cairu