«1813» — кніга беларускага пісьменніка Уладзіміра Садоўскага, у якую ўвайшлі навэла «1813» у жанры зомбі-хорар і пяць фантастычных апавяданняў.
Сюжэт Дзеянне навэлы «1813» адбываецца ў апошнія дні зімы 1813 года. У разбуранае Вялікай вайной мястэчка Маладэчна на ўскрайку Мінскай губерні наведваецца ў госці да свайго дзядзькі Міхал Клеафас Агінскі — дыпламат, кампазітар, а зараз сенатар Расійскай імперыі. З надыходам адлігі ў наваколлях мястэчка пачынаюць адбывацца незразумелыя рэчы: забітыя жаўнеры паўстаюць з поля мінулай бітвы і нападаюць на жыхароў паселішча. Хутка замак Агінскіх апынаецца ў аблозе хадзячых мерцвякоў. Міхалу Клеафасу не застаецца нічога іншага як узяць у рукі зброю і змагацца за свабоду роднага края.
У кнігу ўключана таксама пяць фантастычных апавяданняў аўтара.
Узнагароды
У сакавіку 2017 года кніга «1813» трапіла ў тройку фіналістаў у намінацыі «Проза» літаратурнай прэміі «Дэбют-2017» http://pen-centre.by/2017/03/21/abveshchanyya-vynk-prem-debyut.html . У жніўні 2017 года кніга «1813» трапіла у лонг-ліст літаратурнай прэміі імя Ежы Гедройца 2017 http://pen-centre.by/2017/08/14/zhury-prem-gedroyca-2017-abvyashchae-long-lst.html .
Спасылкі Электронная «1813» — электронная версія кнігі на партале kniharnia.by Папяровая «1813» — папяровая версія кнігі на сайце выдавечтва «Янушкевіч» «1813» на livelib.ru — старонка кнігі на сайце livelib.ru
Катэгорыя:Беларуская літаратура XXI стагоддзя Катэгорыя:Раманы на беларускай мове Катэгорыя:Кнігі 2016 года