Гміна Порплішча () — колішняя вясковая гміна, якая існавала да 1939 года ў Навагрудскім ваяводстве, Віленскай зямлі, Віленскім ваяводстве Польскай Рэспублікі. Сядзіба размяшчалася ў Порплішчы (395 жых. у 1921 годзеSkorowidz miejscowości Rzeczypospolitej Polskiej — Tom VII — Część II — Ziemia Wileńska — Powiaty: Brasław, Duniłowicze, Brasław i Wilejka, Główny Urząd Statystyczny Rzeczypospolitej Polskiej, Warszawa 1923)Główny Urząd Statystyczny w Warszawie: Województwa centralne i wschodnie Rzeczypospolitej Polskiej — podział na gminy według stanu z dnia 1.IV 1933 roku, Książnica-Atlas, Lwów 1933.
Першапачаткова гміна ўваходзіла ў склад Вілейскага павета. 7 лістапада 1920 года была ўключана ў склад новаўтворанага Дунілавіцкага павета пад Упраўленнем прыфрантавых і этапных тэрыторыйDz. Urz. ZTPiE z 1920 r. Nr 3, poz. 24. 19 лютага 1921 r. разам з астатнім паветам увайшла ў склад новаўтворанага Навагрудскага ваяводства. 13 красавіка 1922 года гміна разам з астатнім Дунілавіцкім паветам была ўключана ў склад Віленскай зямлі — Art. 8., ператворанай 20 студзеня 1926 года ў Віленскае ваяводства. 1 студзеня 1926 года гміна з Дунілавіцкага павета (які адначасова змяніў назву на Пастаўскі павет) перададзена ў склад Дзісенскага павета таго ж ваяводства.
11 красавіка 1929 года ў склад гміны Порплішча перададзены часткі тэрыторый гмін Докшыцы, Глыбокае і Параф’янава, у той час як у іх былі уключаны часткі гміны Порплішча.
У лістападзе 1939 года павет уключаны ў склад БССР, скасаваны 15 студзеня 1940 года разам з гмінамі.
Дэмаграфія Паводле перапісу насельніцтва Польшчы 1921 года ў гміне пражывала 6 036 чал., 2 251 вызнавалі каталіцтва, 3 720 праваслаўе, 9 евангельскую веру, 37 іўдаізм, 19 іслам. Таксама 2 728 жых. назвалі сябе палякамі, 3 290 — беларусамі, 5 — яўрэямі, 4 — рускімі, 8 — літоўцамі, 1 — эстонцам. Мелася 1 026 жылых будынкаў.
Катэгорыя:Гміны Вілейскага павета Катэгорыя:Гміны Дунілавіцкага павета Катэгорыя:Гміны Дзісенскага павета