Прамысловы рэгіён Кэсон () — спецыяльны адміністрацыйны рэгіён ў КНДР. Быў аддзелены ў 2002 ад горада Кэсон. Размешчаны за 10 км на поўнач ад дэмілітарызаванай зоны. Плошча рэгіёна — 66 км².
Гісторыя стварэння Кэсонскі прамысловы парк (тэхнапарк Кэсон) быў заснаваны сумесна з урадам Паўднёвай Карэі. Будаўніцтва пачалося ў чэрвені 2003 года, а ў жніўні 2003 года КНДР і Паўднёвая Карэя падпісалі некалькі пагадненняў, якія тычацца інвестыцый у рэгіён.
Пачатковая фаза будаўніцтва была скончаная да чэрвеня 2004 года, а адкрыўся прамысловы парк у снежні 2004 года. У пачатку існавання парка тут размясцілі вытворчасць 15 паўднёвакарэйскіх кампаній. Да сакавіка 2005 года тры з іх запусцілі вытворчасць. Комплекс уключае 120 паўднёвакарэйскіх малых і сярэдніх кампаній, якія ажыццяўляюць вытворчасць адзення, посуду, гадзіннікаў і іншай прадукцыі на агульную суму, якая склала 1,65 млрд даляраў з 2004 па 2011 гады. Прадпрыемствы выплачваюць падаходны падатак у памеры ад 10 да 14 %, за выключэннем першых пяці гадоў, і 50 % падатку на працягу трох гадоў, пачынаючы з моманту прыбытковасці. Перавозка тавараў з прамзоны ў Кэсон ўносіць асноўны ўклад у таваразварот паміж двума Карэямі.
На комплексе занята (на 2012 год) — 53 448 паўночнакарэйскіх (72 % сярод іх — жанчыны) і 786 паўднёвакарэйскіх рабочыхЗахарова Л. В. Межкорейские экономические отношения: от истоков до современности. — М., 2014. — С. 131.
Нягледзячы на ўсе цяжкасці, спрычыняныя як Пхеньянам, так і Сеулам, пэўная выгада ў комплексе ёсць — на навучанне тэхнічным навыкам паўночнакарэйскага працоўнага патрабуецца 1—3 месяцы (на навучанне кітайскага працоўнага — 6 месяцаў), сярэдні працоўны тыдзень (з улікам звышурочных, афіцыйна 48 гадзін) складаў у 2006 годзе 55,2 гадзіны ў тыдзень, у 2012 годзе 61,6 гадзін у тыдзеньЗахарова Л. В. Межкорейские экономические отношения: от истоков до современности. — М., 2014. — С. 132—133. Прадукцыйнасць працы складала 70—80 % ад паўднёвакарэйскага ўзроўню. Тым не менш, па выніках 2011 года 119 паўднёвакарэйскіх фірмаў у Кэсоне выйшлі ў чыстую страту і толькі 4 атрымалі прыбытакЗахарова Л. В. Межкорейские экономические отношения: от истоков до современности. — М., 2014. — С. 137. Заробак паўночнакарэйскім рабочым выдаецца (пасля ўсіх вылікаў) уладамі КНДР у выглядзе даляравых купонаў на набыццё тавараў у спецыяльных крамах.
Прыпыненне працы ў 2013 годзе У сувязі з абвастрэннем адносін паміж Паўднёвай і Паўночнай Карэяй, у красавіку 2013 года КНДР закрыла доступ у Кэсон спачатку паўднёвакарэйскім работнікам, затым — і паўночнакарэйскім. Такім чынам, вытворчасць у прамысловым парку спынілася. Па паведамленнях прэсы, у Кэсоне засталося некалькі сотняў паўднёвакарэйскіх супрацоўнікаў, каб сачыць за абсталяваннем, пакуль не скончацца запасы ежы.КНДР полностью остановила работу индустриальной зоны Кэсон // Lenta.ru
У жніўні 2013 года КНДР заявіла аб намеры аднавіць працу прамысловага рэгіёну Кэсон // КП.
16 верасня 2013, пасля доўгіх і напружаных перамоваў паміж Поўначчу і Поўднем, бакі аднавілі працу сумеснага комплексу. Былі таксама прыняты рашэнні:
стварыць сумесны орган па кіраванню комплексамВ межкорейской промзоне Кэсон открылся секретариат; прыцягваць замежных інвестараў; павысіць падаткі з працуючых у Кэсоне кампаній; аднавіць лінію ваеннай сувязі паміж Пхеньянам і Сеулам.
Таксама бакі абвясцілі аб рашэнні надалей не спыняць працу праекта ні пры якіх абставінахПромзона Кэсон вернулась к работе.
Закрыццё ў 2016 годзе 10 лютага 2016 года Паўднёвая Карэя заявіла аб спыненні працы прамысловай зоны Кэсон пасля выпрабаванняў КНДР ракеты далёкага радыусу дзеяння. 11 лютага ўлады Паўночнай Карэі выправадзілі 280 рабочых з поўдня з тэрыторыі тэхнапарку і перакінулі туды вайсковыя падраздзяленні.
12 лютага Паўднёвая Карэя перапыніла падачу электраэнергіі і вады на тэрыторыю комплексу. Паўднёвакарэйскае абсталяванне было вывезена.
Аднаўленне водазабеспячэння 10 кастрычніка 2018 года Паўднёвая Карэя аднавіла пастаўкі вады ў рэгіёнhttps://www.scmp.com/news/asia/east-asia/article/2167781/south-korea-resumes-supplying-water-kaesong-border-town-north. 11 кастрычніка 2018 года мясцовая ачышчальная станцыя была адноўленаhttp://english.hani.co.kr/arti/english_edition/e_northkorea/865440.html.
Спасылкі
Катэгорыя:Эканоміка КНДР Катэгорыя:Спецыяльныя адміністрацыйныя рэгіёны Паўночнай Карэі