Грэнла́ндскае мо́ра — ускраіннае мора Паўночнага Ледавітага акіяна, паміж Грэнландыяй, Ісландыяй, Шпіцбергенам, астравамі Ян-Маен і Мядзведжы.
Агульная плошча мора 1195 тыс. км², сярэдняя глыбіня 1641 метр, найбольшая глыбіня — 5527 метраў. У заходняй частцы халоднае Усходне-Грэнландскае цячэнне, ва ўсходняй — цёплае Шпіцбергенскае цячэнне. Тэмпература вады летам ад 0 °C на паўночным захадзе да 6 °C на поўдні, зімой ад 1—2 да −1 °C. Салёнасць 32—34 ‰. Прылівы паўсутачныя (да 4,4 м).
Рыбалоўства (траска, палтус, мойва); промысел грэнландскага цюленя. Галоўныя парты: Лонгйір і Барэнцбург (Шпіцберген), Акурэйры (Ісландыя).
Крыніцы
Літаратура
Гренландское море // Военный энциклопедический словарь / Пред. Гл. ред. комиссии Н. В. Огарков. — М. Воениздат, 1983. — С. 213. — 633 с. с ил., 30 л. ил.
Катэгорыя:Моры Паўночнага Ледавітага акіяна Катэгорыя:Грэнландскае мора