Роберт Адамсан (; , Смольнікі, Невельскі раён — , Локса) — эстонскі педагог і дырэктар школы, Герой Сацыялістычнай Працы (1978).
Біяграфія Роберт Адамсан нарадзіўся ў 1928 годзе ў Смольніках (цяпер адносіцца да Пліскай воласці Невельскага раёна Пскоўскай вобласці) у сялянскай сям’і. У 1937—1941 гадах вучыўся ў пачатковай школе ў Смольніках. У 1943 годзе акупацыйныя нямецкія ўлады эвакуіравалі сям’ю Адамсанаў у Эстонію. У 1944—1950 гадах Роберт вучыўся ў Пыльтсамааскай сярэдняй школе, у 1950—1952 гадах — у Талінскім настаўніцкім інстытуце, скончыўшы яго па спецыяльнасці «настаўнік гісторыі». У 1952—1954 гадах працаваў загадчыкам аддзела адукацыі выканаўчага камітэта Локсаскага раённага Савета дэпутатаў працоўных, у 1953—1956 гадах вучыўся завочна ў Талінскім педагагічным інстытуце імя Эдуарда Вільдэ.
У 1954 годзе Адамсан быў прызначаны дырэктарам Локсаскай сярэдняй школы, і на гэтай пасадзе працаваў да 1991 года. Быў адным з заснавальнікаў музычнай школы ў Локсе. У 1967 годзе Роберт Адамсан атрымаў званне заслужанага настаўніка Эстонскай ССР.
У 1976—1981 гадах быў членам рэвізійнай камісіі Цэнтральнага Камітэта Кампартыі Эстоніі. Член УЛКСМ з 1949 года, член КПСС з 1955 года. Неаднаразова абіраўся ў склад Хар’юскага і Локсаскага раённага камітэта КП Эстоніі, а таксама дэпутатам Хар’юскага і Локсаскага райсаветаў.
Быў абраны дэпутатам Вярхоўнага Савета Эстонскай ССР VIII склікання.
Указам Прэзідыума Вярхоўнага Савета СССР ад 27 чэрвеня 1978 года за вялікія заслугі ў камуністычным выхаванні моладзі Роберту Адамсану было прысуджанае званне Героя Сацыялістычнай Працы з уручэннем ордэна Леніна і медалі «Серп і молат». Да гэтага Адамсан узнагароджваўся ордэнам Працоўнага Чырвонага Сцяга, медалём і двума Ганаровымі Граматамі Прэзідыума Вярхоўнага Савета Эстонскай ССР.
Катэгорыя:Дэпутаты Вярхоўнага Савета Эстонскай ССР Катэгорыя:Педагогі СССР Катэгорыя:Педагогі Эстоніі Катэгорыя:Члены КПСС