Зміцер Максімавіч Жыткевіч (псеўданім: Гушчар; , Халамер’е, Гарадоцкі раён, Віцебская вобласць — , , Латвія) — беларускі паэт, празаік.
Біяграфія Рана страціў бацьку і апынуўся на папячэнні дзядзькі. Вучыўся ў Халамерскай прыходскай школы, працаваў пісарам Халамерскай валасной управы. Пасля смерці дзядзькі ў часе Першай сусветнай вайны быў уладкаваны ў дзіцячы дом у Віцебску. Пасля заканчэння навучання ў дзіцячай працоўнай камуне, у 1921 годзе працаваў справаводам губернскага палітычна-асветнага камітэта. У 1922 годзе быў абраны ў склад мясцовага Савета вёскі Халамер’е, выконваў функцыі сакратара. У 1924—1925 гг. працаваў справаводам райвыканкама ў Езярышчы, у 1925—1926 гг. — загадчыкам Езярышчанскага народнага дома. У 1926—1927 гг. сакратар «Віцебскай сялянскай газеты», пасля — «Віцебскага пралетарыя». З 1931 г. быў адказным сакратаром віцебскага БелАППа. У 1933 г. перайшоў на працу ў транспартны аддзел НКУС (пазней МДБ), дзе служыў каля 22 гадоў. Пасля Вялікай Айчыннай вайны жыў у Рызе (Латвія). Быў сябрам КПСС з 1938 г.
Творчасць Дэбютаваў частушкамі ў 1924 годзе ў «Витебской крестьянской газете». У канцы 1920-х — пачатку 1930-х гг. публікаваў вершы, апавяданні, нарысы, публіцыстычныя артыкулы ў мясцовым і рэспубліканскім друку. Пісаў на беларускай і рускай мовах. Творы ўвайшлі ў калектыўныя зборнікі вершаў «Пачатак» (Віцебск, 1926) і «Світанне» (Віцебск, 1927), якія выдавала мясцовая філія «Маладняка», у зборнік Віцебскай асацыяцыі пралетарскіх пісьменнікаў «Рытмы будавання» (1930).
Архіў захоўваецца ў М. Х. Плавінскага (Віцебск).
Узнагароды Узнагароджаны ордэнамі Чырвонага Сцяга, Чырвонай Зоркі, Знак Пашаны.
Літаратура Энцыклапедыя літаратуры і мастацтва Беларусі : у 5 т. — Мінск, 1985. — Т. 2. Беларускія пісьменнікі : біябібліяграфічны слоўнік : у 6 т. — Мінск, 1993. — Т. 2.
Катэгорыя:Нарадзіліся ў Гарадоцкім раёне Катэгорыя:Пісьменнікі Беларусі Катэгорыя:Паэты Беларусі Катэгорыя:Беларускамоўныя пісьменнікі Катэгорыя:Рускамоўныя пісьменнікі Катэгорыя:Беларускамоўныя паэты Катэгорыя:Рускамоўныя паэты