Гета ў Барані (верасень 1941 — 8 красавіка 1942) — яўрэйскае гета, месца прымусовага перасялення яўрэяў горада Барані Аршанскага раёна і бліжэйшых населеных пунктаў падчас Халакосту.
Гісторыя Да чэрвеня 1941 года ў горадзе Барань пражывала больш за 50 яўрэяў. Да прыходу немцаў эвакуіравалася толькі сям’я Чарнамордзік. Некалькі мужчын-яўрэяў прызвалі ў Чырвоную Армію. Паселішча было захоплена нямецкімі войскамі 16 ліпеня 1941 года. Акупацыя доўжылася амаль тры гады — да 27 чэрвеня 1944 года.
У верасні 1941 года немцы, рэалізуючы нацысцкую праграму знішчэння яўрэяў, сагналі ў гета ўсіх пакінутых яўрэяў мястэчка — каля 45 чалавекСписок узников из архива Тиханского А. И. (Барань), список погибших Бараньского сельского совета; Архив Мемориального Института Яд Вашем (Иерусалим). — Фонд М-33. — Д. 446. — Л. 47..
Гета Барані было адкрытага тыпу і займала два двухпавярховыя дамы № 19 і 21 на вуліцы Ялцінскай (сёння — Зарэчная). Вязням забаранялася выходзіць з памяшканняў пасля 18.00 і пакідаць тэрыторыю БараніГ. Р. Винница. Холокост на оккупированной территории Восточной Беларуси в 1941—1945 годах. — Мн., 2011, стр. 305—307 ISBN 978-985-6950-96-7.
Габрэі ў гета галадалі і абменьвалі апошнія рэчы на прадукты. Спаць большасці вязняў даводзілася на падлозе. Яўрэяў выкарыстоўвалі на самых цяжкіх і брудных прымусовых работах.
8 красавіка 1942 года апошніх яўрэяў Барані (50 чалавек) пад канвоем нямецкіх салдат і беларускіх калабарантаў прыгналі да загадзя выкапанай ямы на могілкі і забілі. Падчас акцыі спрабавала ўцячы 16-гадовая Лена Палыкоўская, але яе застрэлілі. Выратавацца ўдалося Абраму Хаўкіну і Іллі ГлезінуГ. Винница, Слово памяти, Орша, Оршанская типография, 1997, с. 55.
Памяць Помнік ахвярам генацыду яўрэяў у Барані размешчаны на гарадскіх могілках за 300 метраў ад вуліцы СарокінаА. Подлипский. Рабочий город .
Крыніцы
Літаратура
Барань Катэгорыя:Гісторыя Аршанскага раёна