Жа́нна Жа́наўна Ва́рбат (нар. 15 кастрычніка 1934) — савецкі і расійскі лінгвіст, спецыяліст па этымалогіі, словаўтварэнні і марфаналогіі славянскіх моў. Галоўны навуковы супрацоўнік і загадчыца Аддзела этымалогіі і анамастыкі ІРМ РАН, доктар філалагічных навук (1981), прафесар. Член Нацыянальнага камітэта славістаў Расіі.
З 2016 года — адказны рэдактар «Этымалагічнага слоўніка славянскіх моў» (у 2016 годзе сумесна з А. Ф. Жураўлёвым, далей аднаасобна). Адзін з аўтараў «Вялікай расійскай энцыклапедыі».
Біяграфія У 1957 годзе скончыла філалагічны факультэт МДУ, у 1959—1962 гадах у аспірантуры там жа. З 1962 года працавала ў Сектары этымалогіі і анамастыкі ІРМ АН СССР, удзельнічала ў працы над ЭССМ. У 1966 годзе абараніла кандыдацкую дысертацыю «Анализ морфемной структуры соотносительных с глаголами имён, образующих этимологические гнезда» пад кіраўніцтвам П. С. Кузняцова, у 1981 годзе — доктарскую дысертацыю «Морфонологические и словообразовательные аспекты реконструкции и этимологизации праславянской лексики».
З 1989 года — галоўны навуковы супрацоўнік ІРМ. З 1997 года — адказны рэдактар зборнікаў «Этимология», выдаваемых ІРМ. У 1998—2013 гадах працавала на філалагічным факультэце МДУ.
Удзельніца VII—XVI Міжнародных з'ездаў славістаў (з 1973 па 2018). Член рэдкалегіі часопіса «Русский язык в научном освещении». Намеснік старшыні дысертацыйнага савета ІРМ, член вучонага савета.
Акадэмік А. Я. Анікін назваў Варбат «адным з найбольш вядомых расійскіх славістаў» і пісаў, што «яна шмат зрабіла для вывучэння марфаналагічных характарыстык славянскіх дзеясловаў і імён».
Асноўныя публікацыі
Манаграфіі
Древнерусское именное словообразование. — М. : Наука, 1969. Праславянская морфонология, словообразование и этимология / Ответственный редактор О. Н. Трубачёв. — М. : Наука, 1984. Исследования по русской и славянской этимологии. — М.—СПб. : Нестор-История, 2012.
Некаторыя артыкулы О словообразовательной структуре этимологических гнёзд // Вопросы языкознания. — 1967, № 4. — С. 67—74. О славянском родстве праславянского глагола *skočiti // Славяноведение. — 2000, № 4. — C. 22—24. Словарь В. Даля и современная этимология // Русский язык в научном освещении. — 2001, № 2. — С. 7—13.
Спасылкі аб этымалагічных слоўніках
Літаратура
Крыніцы
Катэгорыя:Мовазнаўцы Расіі Катэгорыя:Мовазнаўцы СССР Катэгорыя:Гісторыкі мовы Катэгорыя:Славісты СССР Катэгорыя:Славісты Расіі Катэгорыя:Кампаратывісты Катэгорыя:Этымолагі