Цімафей (нар. 11 чэрвеня 2020, Новасібірск, Расія) — манул і жывы сімвал Маскоўскага заапарка.
Цімафей нарадзіўся ў Новасібірскім заапарку адначасова яшчэ з сямю кацянятамі, яго бацькі — самец Зеленагорск і самка Ластаўка. У сакавіку 2021 года ён пераехаў у Маскоўскі заапарк, дзе і атрымаў сваё імя. Раней у заапарку таксама жыў манул Цімафей, ён нарадзіўся ў 2013 годзе і ў 2020 пераехаў у вальер, але памёр у тым жа годзе .
Вальер Цімафея размяшчаецца на старой тэрыторыі заапарка па суседстве з пандамі і беркутамі, у яго цэнтры размяшчаецца невялікая паляна з пянькамі і бярвеннямі, непадалёк — гульнявы комплекс. На далёкай сцяне вальера размешчаны драўляныя выступы, палічкі і лесвічкі, па якіх манул можа бегаць, скакаць і караскацца. Пад лесвічкамі ў сцяну ўмуравана труба, якая імітуе пячору.
Паводле статыстычных звестак расійскай платформы «Дзэн», апублікаваных у жніўні 2025 года, Цімафей стаў каціным з самай вялікай колькасцю абмеркаванняў у расійскіх сродках масавай інфармацыі. Ён перавысіў паказчыкі другога месца (коткі Шупетт мадэльера Карла Лагерфельда) у 1,5 разоў. Найбольш часта ў СМІ абмяркоўваліся факты з біяграфіі Цімафея і яго фатаграфіі, якія актыўна публікаваў Маскоўскі заапарк.
Крыніцы
Катэгорыя:Знакамітыя каціныя