Марыса Тамей (; нар. , Бруклін, Нью-Ёрк) — амерыканская актрыса. Уладальніца прэміі «Оскар», а таксама намінант на прэмію BAFTA, двухразовая намінантка на «Залаты глобус» і трохразовая намінантка на Прэмію Гільдыі кінаакцёраў ЗША.
Біяграфія Нарадзілася ў Брукліне, Нью-Ёрк, у сям’і Адэлаіды, настаўніцы англійскай мовы, і Гэры А. Тамей, судовага адваката. Бацькі Тамей маюць італьянскае паходжанне; продкі яе бацькі родам з Тасканы, Калабрыі і Кампаніі, а продкі маці — з Тасканы і Сіцыліі.
Каб зняцца ў тэлевізійным серыяле «Як круціцца свет» (1983—1985), кінула вучобу ў Бостанскім універсітэце. Гэтая роля праклала ёй дарогу ў кінематограф, хоць у сваім першым фільме «Хлопец з „Фламінга“» з удзелам Мэта Дылана Тамей грала толькі невялікую эпізадычную ролю.
У 1992 годзе за ролю Моны Лізы Віта ў фільме «Мой стрыечны брат Віні» Тамей атрымала «Оскар» за лепшую жаночую ролю другога плана. Шырока вядомая версія, што яна была ўзнагароджана па памылцы. Разам з ёй, якая сыграла камедыйную ролю, былі намінаваныя чатыры брытанскія актрысы за драматычныя ролі. 74-гадовы Джэк Пэланс, які аб’яўляў пераможцу, пажартаваў з гэтай нагоды, а затым нібыта па памылцы абвясціў уладальніцай прыза Тамей. Акадэмія абвергла гэты міф.
2000-я гады прынеслі актрысе яшчэ дзве намінацыі на прэмію «Оскар» за ролю другога плана — у 2002 годзе за фільм «У спальні», у 2009 годзе — за фільм «Рэстлер».
Крыніцы
Катэгорыя:Актрысы ЗША