The Superbullz — беларускі рок-гурт, створаны ў студзені 2016 года ў Мінску. Вакалістам і лідарам гурта з’яўляецца Алесь-Францішак Мышкевіч, былы бас-гітарыст гуртаў Trubetskoy і J:Mors, які таксама выступае з Лявонам Вольскім у гурце «Крамбамбуля» і ў яго сольных праектах. У склад The Superbullz уваходзяць музыкі, вядомыя па гуртах «Крамбамбуля» і J:Mors, а таксама тыя, хто раней супрацоўнічаў у джазавым праекце Мышкевіча Chiefs Band. Гурт называе сябе «пераважна беларускамоўным», хоць яны таксама выконваюць песні на рускай і англійскай мовах.
Першапачаткова гурт называўся The Superboyz, але вырашылі змяніць назву з-за таго, што ў Расіі ўжо існаваў гурт з такой жа назвай. Спачатку музыкі планавалі выконваць пераважна каверы на старыя савецкія хіты ў стылі панк-рок, але пазней яны засяродзіліся на стварэнні ўласных песень.
У лістападзе 2016 года гурт удзельнічаў у беларускім адборачным туры на конкурс песні «Еўрабачанне-2017» з песняй «Adstupisia!/Get Back!», але выбыў у паўфінале. 18 мая 2017 года The Superbullz прэзентавалі свой дэбютны альбом Hardcore zachodniaha Paleśsia.
Склад
Алесь-Францішак Мышкевіч — вакал (з 2016 г.) Павал Трыпут — гітара (з 2016 г.) Валер Дасюкевіч — бас-гітара (з 2016) Павел Мамонаў — ударныя (з 2016 г.) Андрэй Якубчык — труба (з 2016 г.) Раман Джазукевіч — трамбон (з 2016 г.)
Дыскаграфія
Студыйныя альбомы Дата выхаду Назва 18 мая 2017 Hardcore zachodniaha Paleśsia2023Lancuhi
Крыніцы
Cпасылкі
Афіцыйны профіль гурта на SoundCloud Афіцыйны канал гурта на YouTube Апісанне і рэцэнзія на дэбютны альбом гурта на партале Experty.by
Катэгорыя:Рок-гурты Беларусі Катэгорыя:Музычныя калектывы, якія з’явіліся ў 2016 годзе