Андрэ Стыль (; , Эрньі, Францыя — ) — французскі , паэт, публіцыст, шахматыст.

Біяграфія Нарадзіўся ў горадзе Эрньі (Францыя). У час Першай сусветнай вайны прымаў удзел у Руху Супраціўлення. Член Французскай камуністычнай партыі з 1942 года. Скончыў універсітэт у горадзе Ліль. У 1945—1949 гадах на партыйнай і журналісцкай рабоце. У 1950—1959 гадах галоўны рэдактар газеты «Юманітэ» (L’Humanité), затым яе літаратурны аглядальнік. Кандыдат у члены і член ЦК Французскай камуністычнай партыі ў 1950—1959 гадах.

Творчасць Друкаваўся з 1949 года. Трылогія «Першы ўдар» (раманы «Каля воданапорнай вежы», 1951, «Канец адной гарматы», 1952; «Парыж з намі», 1953) пра антываенную барацьбу французскага народа. У цыкле твораў «Пастаўлена пытанне аб шчасці» — раманах «Мы будзем любіць адно аднаго заўтра» (1957), «Абвал» (1960), «Апошняя чвэрць гадзіны» (1962), «Пойдзем танцаваць, Віяліна» (1964), «Андрэ» (1965), «Прыгожы, як чалавек» (1968), «Хто?» (1969), зборніках апавяданняў «Егіпецкі хлеб» (1956), «Боль» (1961) і інш. уздымаюцца сацыяльна-палітычныя і маральна-этычныя праблемы, паказана жыццё Францыі ў ІІ сусветную вайну і пасляваенныя гады. Аўтар раманаў «Раман-сон» (1976), «У люстэрку — сябар» (1977), «Бог — гэта дзіця» (1979), «Мілы доктар» (1980), літаратурна-крытычных і публіцыстычных прац. Рэалістычная проза А. Стыля адметная дынамічным сюжэтам, выкарыстаннем дыялектаў, унутранага маналога.

На беларускую мову яго асобныя творы пераклалі Юрка Гаўрук, Сямён Дорскі.

Беларускія пераклады Любіць будзем заўтра. Мн., 1960; Салодкі пірог // Полымя. 1970. № 1; Пан Ванэс // Беларусь. 1974. № 3.

Крыніцы

Літаратура

Литературный энциклопедический словарь / Под редакцией В. М. Кожевникова, П. А. Николаева. — М.: Советская энциклопедия, 1987. — 751 с.

Спасылкі Стиль Андре // «Мегаэнциклопедия Кирилла и Мефодия» megabook.ru

Катэгорыя:Пісьменнікі-сацрэалісты Катэгорыя:Камуністы Францыі Катэгорыя:Шахматысты Францыі Катэгорыя:Рух Супраціўлення ў Францыі Катэгорыя:Члены Ганкуровскай акадэміі Катэгорыя:Пісьменнікі Францыі Катэгорыя:Публіцысты Францыі Катэгорыя:Франкамоўныя пісьменнікі