«Пуцін павінен сысці» — інтэрнэт-сайт і аднайменная грамадская кампанія па зборы подпісаў пад адкрытым лістом з патрабаваннем адстаўкі старшыні ўрада Расіі Уладзіміра Пуціна. Кампанія была пачата ў Інтэрнэце 10 сакавіка 2010 года актывістамі шэрагу апазіцыйных грамадскіх арганізацый, а таксама некалькімі вядомымі дзеячамі культуры Расіі.
Ініцыятарам і асноўным аўтарам звароту «Пуцін павінен сысці» быў Андрэй Піянткоўскі.
Тэкст паслання, адрасаваны «да грамадзян Расіі», вытрыманы ў рэзка крытычным тоне і ўтрымоўвае вельмі негатыўныя ацэнкі дзейнасці Уладзіміра Пуціна.
У звароце пералічваюцца няўдалыя, на думку аўтараў паслання, рэформы пуцінскай эпохі («правалена ўсё, што толькі было можна праваліць») і згадваюцца такія падзеі, як другая чачэнская вайна і выбухі дамоў у расійскіх гарадах.
На думку аўтараў звароту, «аб неразуменні Пуціным будучыні» сведчаць «яго маніякальны запал да пракладкі нафтагазавых труб ва ўсіх мажлівых і неймаверных кірунках, ініцыяванне амбіцыйна-затратных праектаў (накшталт сочынскай алімпіяды або моста на востраў Рускі), якія абсалютна проціпаказаныя краіне, дзе значная частка насельніцтва пражывае за рысай беднасці».
У звароце крытыкуюцца таксама нябожчык прэзідэнт Барыс Ельцын і яго асяроддзе («Сям’я»), на думку аўтараў паслання, якія вылучылі Уладзіміра Пуціна на прэзідэнцкую пасаду ў імкненні гарантаваць уласную бяспеку. Прэзідэнт Расiі на той момант Дзмітрый Мядзведзеў названы ў звароце «паслухмяным месцаахоўнікам», «сучасным Сымонам Бекбулатавічам».
Аўтары заклікаюць супрацоўнікаў сілавых ведамстваў не ісці супраць «свайго народа» і не выконваць «злачынныя загады карупцыянераў».
Сайт кампаніі дзейнічаў да мая 2025 года.
Спасылкі Інтэрнэт-сайт кампаніі «Пуцін павінен сысці» Сетка прамой электроннай дэмакратыі «Пуцін павінен сысці» Інтэрнэт-сайт «Камітэта пяці патрабаванняў»
Катэгорыя:Акцыі пратэсту ў Расіі Катэгорыя:Уладзімір Уладзіміравіч Пуцін Катэгорыя:Палітычныя лозунгі Катэгорыя:Руская мова ў інтэрнэце Катэгорыя:Сайты Расіі Катэгорыя:Грамадскія кампаніі