Еўзель Гаўрылавіч Гінцбург (Восіп Гаўрылавіч Гінцбург; , Віцебск — , ) — расійскі філантроп, фінансіст, барон. Заснавальнік баронскага роду Гінцбургаў.
Біяграфія Сын равіна. Атрымаў традыцыйнае яўрэйскае выхаванне. Займаўся віннымі водкупамі ў Бесарабскай, Кіеўскай і Валынскай губернях. Падчас Крымскай вайны трымаў вінны водкуп у абложаным Севастопалі. У 1859 заснаваў у Санкт-Пецярбургу адзін з найбуйнейшых у Расіі банкаў, які зрабіў значны ўнёсак у развіццё крэдытнага фінансавання ў Расіі. Субсідаваў будаўніцтва чыгунак, здабычу золата на Урале, Алтаі і ў Забайкаллі.
На яго ініцыятыву царскі ўрад дазволіў пабудаваць першую сінагогу ў Пецярбургу (Вялікую Харальную Сінагогу), яўрэйскую абшчыну якой ён узначальваў. У 1863 заснаваў Таварыства для распаўсюджвання асветы паміж яўрэямі ў Расіі і амаль цалкам яго субсідаваў.
2 жніўня 1874, услед за сваім сынам Гарацыем, атрымаў ад вялікага герцага Гесэн-Дармштацкага баронскі тытул; 19 красавіка 1875 года Аляксандр II дазволіў карыстанне гэтым тытулам у Расіі.
Спасылкі
Артыкул у Энцыклапедыі Брытаніка Кіеўскія Ротшыльды (старонкі гісторыі)
Катэгорыя:Банкіры Расійскай імперыі Катэгорыя:Мецэнаты Расійскай імперыі