Музей Чартарыйскіх — мастацкі збор у складзе Нацыянальнага музея ў Кракаве. Заснаваны ў 1796 годзе княгіняй Ізабелай Чартарыйскай, жонкай Адама Казіміра Чартарыйскага. Яшчэ раней, у 1778 годзе, яна заснавала першы ў Польшчы мастацкі музей на плошчах палаца Чартарыйскіх у Пулавах.
Найбольш значныя прадметы збору былі прывезены з Італіі сынам Ізабелы, Адамам Ежы Чартарыйскім, у 1798 годзе. Да іх колькасці адносяцца, апроч рымскіх старажытнасцяў, «Дама з гарнастаем» Леанарда да Вінчы і «Партрэт маладога чалавека» пэндзля Рафаэля (страчаны ў часы Другой сусветнай вайны).
Пасля эміграцыі Чартарыйскага ў Парыж яго мастацкі збор знайшоў прыстанак у гатэлі Ламбер. Франка-пруская вайна вымусіла яго сына Уладзіслава пакінуць Парыж і шукаць сховішчы ў Аўстра-Венгрыі. Тады ж мастацкі збор і пасяліўся ў старадаўнім будынку кракаўскага арсенала.
Спасылкі
Сайт музея Чартарыйскіх
Катэгорыя:Музеі Кракава Катэгорыя:Мастацкія музеі і галерэі Катэгорыя:Мастацкія музеі Польшчы Катэгорыя:Чартарыйскія Катэгорыя:З’явіліся ў 1796 годзе Катэгорыя:XVIII стагоддзе ў Кракаве Катэгорыя:Нацыянальны музей у Кракаве Катэгорыя:1796 год у Еўропе