Аляксандр Васілевіч Мядзведзь () — беларускі спартсмен і трэнер (вольная барацьба), прафесар (1976).

Біяграфія Нарадзіўся 16 верасня 1937 года ў г. Белая Царква Кіеўскай вобласці.

Скончыў Беларускі інстытут фізічнай культуры (1965).

Выступаў у волнай барацьбе ў паўцяжкай і цяжкай вазе. Чэмпіён XVIII, XIX і XX Алімпійскіх гульняў (1964, Токіа; 1968, Мехіка; 1972, Мюнхен). Чэмпіён свету (1962, 1966, г. Таліда, ЗША; 1963, 1971, Сафія; 1967, Дэлі; 1969, г. Мар-дэль-Плата, Аргенціна; 1970, г. Эдмантан, Канада). Чэмпіён Еўропы (1966, г. Карлсруэ, Германія; 1968, г. Скоп’е, Македонія; 1972, г. Катавіцы, Польшча). Чэмпіён СССР (з 1961 па 1963 і з 1966 па 1970).

З 1972 года — трэнер зборнай каманды СССР, з 1980 — галоўны трэнер зборных каманд Беларусі па вольнай барацьбе.

З 1981 года — прэзідэнт нацыянальнай федэрацыі вольнай і грэка-рымскай барацьбы, з 1992 года — Федэрацыі барацьбы Беларусі. З 1991 года — віцэ-прэзідэнт Нацыянальнага алімпійскага камітэта Беларусі.

Сааўтар цыкла прац, у т. л. падручніка «Фізічнае выхаванне студэнтаў асноўнага аддзялення» і комплекса вучэбна-метадычных дапаможнікаў па тэорыі і методыцы фізічнага выхавання.

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў пратэстаў у 2020 годзе.

Памёр 2 верасня 2024 годаПамёр легендарны барэц Аляксандр Мядзведзь..

Прэміі і ўзнагароды Заслужаны майстар спорту (1963). Заслужаны дзеяч фізічнай культуры Беларусі (1969). Заслужаны трэнер Беларусі (1976) і СССР (1980). Дзяржаўная прэмія Беларусі (1998).

Ушанаванне памяці З 1970 года ў Беларусі праводзіўся традыцыйны міжнародны турнір па вольнай барацьбе на прызы Аляксандра Мядзведзя (катэгорыя Гран-пры). З 2024 года праходзіць міжнародны турнір памяці Аляксандра Мядзведзя.

Зноскі

Літаратура

Спасылкі Біяграфія Аляксандра Мядзведзя

Катэгорыя:Барцы Беларусі Катэгорыя:Барцы СССР Катэгорыя:Алімпійскія чэмпіёны па барацьбе Катэгорыя:Алімпійскія чэмпіёны ад СССР Катэгорыя:Чэмпіёны летніх Алімпійскіх гульняў 1964 года Катэгорыя:Чэмпіёны летніх Алімпійскіх гульняў 1968 года Катэгорыя:Чэмпіёны летніх Алімпійскіх гульняў 1972 года Катэгорыя:Барцы на летніх Алімпійскіх гульнях 1964 года Катэгорыя:Барцы на летніх Алімпійскіх гульнях 1968 года Катэгорыя:Барцы на летніх Алімпійскіх гульнях 1972 года Катэгорыя:Чэмпіёны свету па барацьбе Катэгорыя:Чэмпіёны Еўропы па барацьбе Катэгорыя:Заслужаныя майстры спорту СССР Катэгорыя:Ганаровыя грамадзяне Мінска Катэгорыя:Кавалеры ордэна Леніна Катэгорыя:Кавалеры ордэна Працоўнага Чырвонага Сцяга Катэгорыя:Кавалеры ордэна «Знак Пашаны» Катэгорыя:Выкладчыкі БДУІР Катэгорыя:Ганаровыя грамадзяне Махачкалы