«Вечны вандроўнік» — бронзавы помнік выдатнаму беларускаму мастаку і краязнаўцу Язэпу Драздовічу ў Мінску. Адкрыты 6 жніўня 1993 года ў Траецкім прадмесці, на рагу вуліцы Максіма Багдановіча і Траецкай набярэжнай, каля Свіслачы.
Аўтарамі помніка з’яўляюцца скульптар Ігар Голубеў, для якога ён быў дыпломнай працай, і архітэктар В. МарухінТамара Габрусь. Творы манументальнага мастацтва ў гістарычным цэнтры Менска. Адлітая скульптурная кампазіцыя некалькі гадоў не магла знайсці свайго месца ў горадзе. Дзякуючы значным намаганням грамадскасці, яе ўрэшце было вырашана паставіць у Траецкім прадмесце, паблізу тых мясцін, дзе мастак любіў блукаць, аглядаючы краявіды старога Менска, і вышэйшай жаночай школы на Траецкай гары, дзе ён выкладаў маляванне.
Апісанне Адносна невялікая па памеры скульптурная кампазіцыя, што адлюстроўвае Драздовіча, уяўляе сабою бронзавую фігуру самога мастака, які ідзе па дарозе ў сціплай сялянскай вопратцы з кіем у руцэ і з перакінутым цераз плячо мальбертам«Помнік Язэпу Драздовічу» Place.by. Яго постаць укрывае дрэва-мроя, у кроне якога грувасцяцца сілуэты вежаў беларускіх замкаў і храмаў побач з яго касмічнымі летуценнямі. Маладому скульптару ўдалося перадаць не толькі партрэтнае падабенства, але і высокі ідэалізм, чысціню душы, свядомую самаахвярнасць мастака. Вельмі не простымі для скульптуры сродкамі раскрыты ўласцівая для творчасці Драздовіча суіснаванне рэальнага свету і свету фантазіі, яго невычэрпная любоў да роднага краю і жыццё паводле законаў Хрыста.
Спасылкі
Катэгорыя:Помнікі Мінска Катэгорыя:З’явіліся ў 1993 годзе Катэгорыя:1993 год у Мінску Катэгорыя:Траецкае прадмесце Катэгорыя:Вуліца Максіма Багдановіча (Мінск) Катэгорыя:Траецкая набярэжная (Мінск) Катэгорыя:Творы Ігара Голубева Катэгорыя:Будынкі і збудаванні Вячаслава Марухіна