Пачынак () — горад (з 1926 года) у Расіі, адміністрацыйны цэнтр Пачынкаўскага раёна Смаленскай вобласці. Насельніцтва 9,18 тыс. чалавек (2007). Заснаваны ў 1868 годзе.

Горад размешчаны на правым беразе ракі Хмара (басейн Дняпра), за 62 км ад Смаленска. Лёгкая і харчовая прамысловасць, вытворчасць будматэрыялаў.

Гісторыя Упершыню згадваецца ў 1811 годзе як невялікая вёска. У 1868 годзе адкрыты пастаянны рух па чыгунцы Віцебск — Рослаўль, на якой пабудавана станцыя «Пачынак». Неўзабаве пасёлак стаў транзітна-перавалачным пунктам аптовага гандлю хлебам, пянькой, лесам, ільном. У 1876 злучаны тэлеграфам з Ельняй. Галоўную вуліцу актыўна забудоўвалі мясцовыя купцы.

Савецкая ўлада ў горадзе ўсталявана ў канцы кастрычніка — пачатку лістапада 1917 года. У сакавіку 1918 года ў горадзе ўспыхнуў мяцеж, падаўлены атрадам РСЧА, які прыбыў са Смаленска. Валасны цэнтр Ель­нінскага павета, 1 студзеня 1919 года згодна з пастановай І з’езда КП(б) Беларусі ён увайшоў у склад Беларускай ССР, аднак 16 студзеня горад разам з іншымі тэрыторыямі Смаленскай губерні быў перададзены ў склад РСФСР. У 1924 годзе, нягледзячы на перавагу беларускага насельніцтва, Пачынак не вярнулі БССРТрусаў А. Як мяняліся нашы межы ў ХХ ст. // «Наша Слова», № 32 (820), 22 жніўня 2007 г..

З 1926 горад, раённы цэнтр Ро­слаўскай акругі Заходняй вобласці (з 1929), Смален­скай вобласці (з 1937).

З 17 ліпеня 1941 па 23 жніўня 1943 года акупаваны германскімі войскамі, у го­радзе дзейнічала падполле.

Насельніцтва

Славутасці Дом купца С. Эпштэйна (кан. XIX — пач. XX ст.), першы двухпавярховы будынак Пачынка. Брацкая магіла падпольшчыкаў і Курган памяці. Парк імя Героя Савецкага Саюза лётчыка М. Гастэла і памятны знак у яго гонар. Царква Дабравешчання Прасвятой Багародзіцы (1990-99).

Вядомыя асобы Ірына Аляксандраўна Масляніцына (нар. 1965), беларуская пісьменніца, журналіст.

Зноскі

Спасылкі

Катэгорыя:Гарады Смаленскай вобласці Катэгорыя:Населеныя пункты Пачынкаўскага раёна (Смаленская вобласць)