A praza de Lugo é un espazo público da cidade da Coruña, situado entre a praza de Pontevedra e a praza de Ourense, no Ensanche coruñés. O lugar está adicado principalmente ao comercio e o lecer.
A praza deseñouse no plan do Primeiro Ensanche (1885) proxectado por Juan de Ciórraga e no centro da praza hai un mercado con máis de 150 postos e centro comercial.
Descrición A praza é de sección rectangular con 120 metros por 50 metros e está rodeada de catro rúas, unha delas peonil e as outras tres de sentido único de circulación. A maior parte da superficie da praza está ocupada polo mercado Eusebio da Guarda no cal está o único FNAC de Galiza. Nos últimos anos na zona abriron establecementos principalmente de roupa e complementos, converténdoa nunha das principais áreas comerciais da Coruña.
Na praza hai edificios modernistas de arquitectos como Julio Galán Carvajal ou Antonio López Hernández.A arquitectura modernista
Mercado O mercado orixinal que había na praza foi inaugurado o 9 de abril de 1910. A obra foi pagada en boa parte polo filántropo coruñés Eusebio da Guarda (que lle deu nome) quen deixou no seu testamento de 35 000 a 40 000 pesos tendo o concello que poñer o soar.Instituto Eusebio da Guarda O segundo mercado foi inaugurado en 1958 e derrubado en 2003 para inaugurar o novo en xullo de 2006.
Galería de imaxes
Notas
Véxase tamén
Bibliografía
Categoría:Arquitectura civil na Coruña Categoría:Prazas da Coruña