Carl Richard Woese, nado en Siracusa, Nova York, Estados Unidos o 15 de xullo de 1928 e finado en Urbana, Illinois, Estados Unidos o 30 de decembro de 2012, foi un microbiólogo estadounidense.
Traxectoria Woese foi o creador da nova taxonomía molecular baseada na comparación entre especies da chamada secuencia do ARN ribosomal 16s e 18s que comparten todos os seres vivos do planeta e que apenas sufriu cambios desde a aparición na Terra das primeiras formas de vida microbiolóxicas. As súas análises filoxenéticas en 1977 levárono ao descubrimento dun novo dominio, o das arqueas (Archaea).
A aceptación da validez das arqueas, que son organismos procariotas pero non bacterias, foi un proceso lento. Figuras relevantes como Salvador Luria e Ernst Mayr non estaban de acordo con esta división dos procariotas, aínda que as súas críticas non se reducían ao ámbito científico. Non foi até mediados da década de 1980 cando a crecente cantidade de datos levou á comunidade científica á aceptación do novo dominio.
Woese ingresou na Academia Nacional de Ciencias en 1988, en 1992 recibiu a Medalla Leeuwenhoek, en 2000 a National Medal of Science e en 2003 foi galardoado co premio Crafoord pola Academia sueca de Ciencias.
Faleceu o 30 de decembro de 2012 en Urbana, Estados Unidos, aos 84 anos de idade.
Principais publicacións Libros
Artigos
Notas
Véxase tamén Outros artigos Arqueas Arqueas metanóxenas Ligazóns externas Biografía en Instituto de Astrobioloxía da NASA. . Consultada o 6 de agosto de 2014. Carl Woese Papers, 1911-2013 en University of Illinois Archives. Consultada o 6 de agosto de 2014. Prokaryotic Small RNA Biology en Max Planck Institute for Terrestrial Microbiology. Consultada o 6 de agosto de 2014.
Categoría:Nados en 1928 Categoría:Nados en Nova York Categoría:Finados en 2012 Categoría:Biólogos dos Estados Unidos de América Categoría:Alumnos da Universidade Yale Categoría:Profesores da Universidade de Illinois Urbana-Champaign