David Aganzo Méndez, coñecido habitualmente como Aganzo, nado en Leganés (Madrid) o 10 de xaneiro de 1981, é un futbolista profesional español da canteira do Real Madrid que xoga como dianteiro.
Traxectoria Nado en Leganés, Madrid, Aganzo é froito da canteira do Real Madrid, onde pasou desde o equipo xuvenil directamente ao primeiro equipo, sen ter xogado antes nin en Segunda nin en Terceira. Así, debutaría co primeiro equipo madridista en Primeira división na tempada 1999-2000 o 20 de febreiro nun encontro en Mestalla ante o Valencia CF que remataría con empate 1-1. Ese ano acabaría xogando catro partidos de liga e un da Liga de Campións, concretamente na vitoria do seu equipo por 1-0 ante o Rosenborg Ballklub. Ese mesmo ano Aganzo engade ao seu palmarés o máximo título continental.
Nos seguintes anos sería cedido a outros clubs de Primeira División, o u de Segunda con aspiracións de ascenso: CF Extremadura, RCD Espanyol, Real Valladolid e Levante UD. Co Valladolid, en Primeira, sería o máximo goleador do equipo esa tempada, mentres que ao ano seguinte sería peza clave no ascenso do Levante á Primeira División. Ao ano seguinte Aganzo deixa de ser xogador do Real Madrid e asina co Racing de Santander da máxima categoría, onde pese a destacar no primeiro ano, por mor das lesións sería menos habitual nos dous seguintes, onde mesmo foi cedido temporalmente ao Beitar Xerusalén FC en xaneiro.
Na seguinte tempada, Aganzo deixa o Racing e asina co Deportivo Alavés da Segunda División, contribuíndo con 10 goles a axudar á permanenecia do conxunto vasco. Ao ano seguinte asinaría co Rayo Vallecanoda mesma categoría, onde permanecería durante tres tempadas, chegando a meter 12 goles en tan só 30 partidos para os madrileños. Tras tres tempadas no conxunto de Vallecas, Aganzo ficha polo Hércules CF, aínda que unha tempada farta de lesión evita que poida dar o seu máximo nivel. Tras acabar a tempada no club alacantino marcha a Grecia para asinar co Aris Salónica, onde metería un total de 12 goles en 38 partidos na máxima categoría helena. Tras final o seu contrato co equipo mecedónico, asina o 18 de agosto de 2014 co Club Deportivo Lugo da Segunda División.
Clubs AnoClubDivisiónPartidosGoles1999-2000Real MadridPrimeira402000-2001CF ExtremaduraSegunda1652001-2002RCD EspanyolPrimeira1102002-2003Real ValladolidPrimeira3092003-2004Levante UDSegunda3392004-2005Racing de SantanderPrimeira2672005-2006Racing de SantanderPrimeira1732006-2007Racing de SantanderPrimeira602006Beitar XerusalénPremier Israel1232007-2008Deportivo AlavésSegunda30112008-2009Rayo VallecanoSegunda30122009-2010Rayo VallecanoSegunda1992010-2011Rayo VallecanoSegunda2372011-2012Hércules CFSegunda1922012-2013Aris FCSuperliga Grecia2192013-2014Aris FCSuperliga Grecia1732014-2015CD LugoSegunda113
Títulos Real Madrid Liga de Campións da UEFA: 1999-00
Selección española Copa do Mundo de Fútbol Sub-20: 1999
Notas
Véxase tamén Ligazóns externas Datos do xogador en Soccer Data Base
Categoría:Nados en 1981 Categoría:Nados en Leganés Categoría:Futbolistas da Comunidade de Madrid Categoría:Dianteiros de fútbol Categoría:Xogadores do Real Madrid CF Categoría:Xogadores do CF Extremadura Categoría:Xogadores do RCD Espanyol Categoría:Xogadores do Real Valladolid Categoría:Xogadores do Levante UD Categoría:Xogadores do Racing de Santander Categoría:Xogadores do Beitar Xerusalén FC Categoría:Xogadores do Deportivo Alavés Categoría:Xogadores do Rayo Vallecano Categoría:Xogadores do Hércules CF Categoría:Xogadores do Aris Salónica FC Categoría:Xogadores do CD Lugo Categoría:Futbolistas gañadores da Liga de Campións da UEFA