The Martian é un filme estadounidense de ciencia ficción dirixido por Ridley Scott que se estreou no 2015. Está protagonizado por Matt Damon e a historia baséase na novela de Andy Weir The Martian, que foi adaptada ó guión por Drew Goddard. Damon interpreta a un astronauta que é dado por morto e abandonado en Marte que ten que loitar por sobrevivir. No filme tamén aparecen Jessica Chastain, Kristen Wiig, Jeff Daniels, Michael Peña, Kate Mara, Sean Bean, Sebastian Stan, Aksel Hennie e Chiwetel Ejiofor nos papeis secundarios.
O produtor Simon Kinberg comezou a desenvolver o filme despois de que 20th Century Fox considerase a novela en marzo de 2013. Drew Goddard adaptou a novela nun guión e nun principio foi elixido para dirixilo, mais o proxecto non seguiu adiante. Ridley Scott substituíu a Goddard, e con Damon como personaxe principal, a produción obtivo a luz verde. A rodaxe comezou en novembro de 2014 e durou aproximadamente 70 días. Foron construídos preto de 20 escenarios nun estudio de Budapest, un dos meirandes do mundo. Wadi Rum en Xordania, foi usado para practicamente toda a fotografía de paisaxe do filme.
Sinopse A tripulación dunha misión a Marte é sorprendida por unha tormenta e vese obrigada a abortar a misión. O astronauta Mark Watney (Matt Damon) é dado por morto e queda só no planeta vermello. Deberá usar o seu enxeño e a súa capacidade de supervivencia para facer saber á Terra que está vivo e lograr ser rescatado.
Personaxes
Matt Damon como Mark Watney Jessica Chastain como Melissa Lewis Kristen Wiig como Annie Montrose Jeff Daniels como Theodore "Teddy" Sanders Michael Peña como Rick Martinez Kate Mara como Beth Johanssen Sean Bean como Mitch Henderson Sebastian Stan como Dr. Chris Beck Aksel Hennie como Dr. Alex Vogel Chiwetel Ejiofor como Vincent Kapoor Donald Glover como Rich Purnell Benedict Wong como Bruce Ng Mackenzie Davis como Mindy Park Naomi Scott como Ryoko Nick Mohammed como Tim Grimes Eddy Ko como Guo Ming Chen Shu como Zhu Tao
Notas
Véxase tamén Ligazóns externas Páxina oficial
Ficha en RottenTomatoes
Categoría:Filmes de 2015 Categoría:Filmes en lingua inglesa Categoría:Filmes dos Estados Unidos de América Categoría:Filmes de 2015 en 3D Categoría:Filmes dirixidos por Ridley Scott Categoría:Filmes de acción e ciencia ficción dos Estados Unidos de América Categoría:Filmes de ciencia ficción e aventuras dos Estados Unidos de América Categoría:Filmes de 20th Century Fox Categoría:Filmes de Scott Free Productions Categoría:Filmes rodados en Xordania Categoría:Filmes rodados en Budapest Categoría:Filmes sobre supervivencia Categoría:Globo de Ouro á mellor película - Comedia ou musical Categoría:Filmes ambientados en Nova York Categoría:Filmes ambientados en Pequín Categoría:Filmes ambientados en 2035 Categoría:Filmes distribuídos en sistemas IMAX