Stanisław Padewski, nado o 18 de setembro de 1932 en Nova Huta (RSS de Ucraína) e finado o 29 de xaneiro de 2017 en Sędziszów Małopolski (Polonia), foi un relixioso capuchino polaco, bispo de Khárkiv-Zaporizhia entre 2002 e 2009.
Traxectoria Stanisław Padewski naceu o 18 de setembro de 1932 en Nova Huta, entón parte da RSS de Ucraína e hoxe na rexión de Ternopil de Ucraína. O 28 de agosto de 1950 ingresou na Orde dos Freires Menores Capuchinos, facendo a profesión solemne o 19 de setembro de 1953, con 21 anos. O 24 de febreiro de 1957 foi ordenado sacerdote por Stanisław Rospond, bispo auxiliar de Cracovia.
O 13 de abril de 1995 foi nomeado bispo auxiliar de Kamianets-Podilskyi e bispo titular de Tigias. Recibiu a consagración episcopal o 10 de xuño de 1995 de mans do arcebispo Antonio Franco, nuncio. O 10 de outubro de 1998 foi nomeado bispo auxiliar de Lviv.
O 4 de maio de 2002 o papa Xoán Paulo II nomeouno bispo da nova diocese de Khárkiv-Zaporizhia. Permaneceu no cargo até o seu retiramento por razóns de idade o 19 de marzo de 2009. Finou en Sędziszów Małopolski o 29 de xaneiro de 2017, con 84 anos.
Categoría:Nados en 1932 Categoría:Nados no distrito de Monastyryska Categoría:Finados en 2017 Categoría:Relixiosos católicos de Ucraína Categoría:Capuchinos Categoría:Bispos da Igrexa católica latina Categoría:Bispos católicos do século XX Categoría:Bispos católicos do século XXI Categoría:Bispos católicos de Ucraína