O encoro de Ilısu é un encoro de coieira con pantalla de formigón sobre o Tigris, próximo á aldea de Ilısu e entre os límites da provincia de Mardin coa de Şırnak en Turquía. É unha das 22 presas do Proxecto do Sueste de Anatolia e o seu propósito é a produción de enerxía hidroeléctrica, o control de alagamentos e mais o almacenamento de auga. Cando estea operativa, a presa suportará unha estación hidroeléctrica de 1.200 MW e formará un pantano de 10.4 mil millóns de m3. A súa construción principiou en 2006 e o remate estaba previsto para 2016. O encoro suscitou controversia internacional "Naufrage annoncé sur les eaux du Tigre turc", Le Figaro, 3 de xuño de 2016 xa que alagará parte da antiga vila Hasankeyf, rica en tesouros arqueolóxicos, e vai precisar a recolocación dos habitantes da rexión. Por estes motivos perdeu o financiamento internacional en 2009"Governments withdraw financial support for Ilisu dam in Turkey", Amnesty International, 7 de xuño de 2009. O PKK kurdo atacou a infraestrutura asociada coa súa construción, o que levou á dilación da construción. Notas
Ilısu Categoría:Centrais hidroeléctricas