A píllara pequena ou píllara areeira (Charadrius dubius) é unha pequena especie de píllara.
Etimoloxía O nome do xénero Charadrius procede dunha palabra latina referida unha ave amarelada mencionada na Vulgata do século IV. Deriva do grego kharadrios, un paxaro que vivía nos vales fluviais (kharadra, 'barranco'). O nome específico dubius significa en latín 'dubidoso', xa que Sonnerat, en 1776, pensaba que este paxaro podería ser simplemente unha variante da píllara real (Charadrius hiaticula).
Description miniatura|esquerda|Poliño de píllara pequena miniatura|esquerda|Ovo de Charadrius dubius – MHNT
Os adultos teñen un dorso e ás de cor marrón agrisado, un ventre branco e un peito tamén branco e cunha banda negra. Teñen a parte superior da cabeza marrón, unha fronte branca, unha máscara negra arredor dos ollos con branco por riba e un peteiro escuro e curto. As patas son de cor carne e os dedos están palmados.
Esta especie difire da especie máis grande píllara real na cor das patas, o padrón da cabeza e a presenza dun anel ocular amarelo.
Son aves migratorias e pasan o inverno en África. Estas aves buscan alimento en áreas lamacentas, xeralmente usando a vista. Comen insectos e vermes.
miniatura|Apareamento, o macho golpea a cloaca da femia miniatura|En Kannur, Kerala miniatura|Individuo novo na lago Pulicat, India
Hábitats e área de distribución O seu hábitat reprodutor son áreas de grava preto de auga doce, como pozos de grava, illas e ribeiras de ríos de Eurasia e norte de África. Aniñan en terra sobre pedras con pouca ou ningunha vexetación arredor. Tanto os machos coma as femias fan quendas para chocar os ovos.
Subespecies Ten tres subespecies recoñecidas: C. d. curonicus J. F. Gmelin, 1789 - desde Eurasia, oriente ruso, o Xapón, Corea, a China ao norte de África. Pasa o inverno no Sáhara, e Sri Lanka ata Indonesia e a China. C. d. jerdoni (Legge, 1880) - desde a India, Sri Lanka, Paquistán ao sueste asiático. C. d. dubius Scopoli, 1786 - de Filipinas, a Nova Guinea e arquipélagode Bismarck.
Conservación É unha das especies ás que se aplica o Acordo para a conservación das aves acuáticas migratorias africano-eurasiáticas (AEWA).
Notas
Véxase tamén
Ligazóns externas
Sexing and ageing (PDF; 5.4 MB) by Javier Blasco-Zumeta & Gerd-Michael Heinze
Categoría:Carádridos Categoría:Animais descritos en 1786 Categoría:Aves de Eurasia