Cefalotina é un antibiótico beta-lactámico pertencente á primeira xeración de cefalosporinas. Foi comercializada a inicios dos anos sesenta. Xa non se comercializa en moitos países, sendo descatalogada pola FDA
Espectro de acción Cefalotina presenta actividade fronte a bacterias grampositivas, tales coma Staphylococcus aureus, Streptococcus pneumoniae e algunhas especies de Streptococcus. Ten menor actividade fronte a bacterias gramnegativas (Escherichia coli, Moraxella catarrhalis, Klebsiella pneumoniae e Proteus mirabilis).
Dosificación Unicamente existe formulación intravenosa. A dose convencional é de 1 ou 2 gramos cada 6 u 8 horas. A dose debe reducirse en poboación pediátrica e en insuficiencia renal con filtrado menor de 50.
Embarazo e lactación Cefalotina está catalogada coma A segundo as autoridades australianas, polo que se pode empregar durante o embarazo. Detéctanse trazas de cefalotina no leite materno polo que se recomenda precaución no seu uso durante a lactación.
Notas
Categoría:Antibióticos