João Pereira Venâncio, nado en Monte Redondo (Leiria, Portugal) o 8 de febreiro de 1904 e finado en Leiria o 2 de agosto de 1985, foi un relixioso católico latino portugués, bispo de Leiria de 1958 a 1972.
Traxectoria Foi ordenado sacerdote o 21 de decembro de 1929, sendo incardinado na diocese de Leiria. O 30 de setembro de 1954 foi nomeado bispo auxiliar de Leiria e bispo titular de Euroea in Epiro. Recibiu a consagración episcopal o 8 de decembro de 1954 de mans do bispo diocesano José Alves Correia da Silva.
O 13 de setembro de 1958 foi nomeado bispo de Leiria. Exerceu dito cargo até o 1 de xullo de 1972. Na década dos anos 70 erixiu a Unión Sacerdotal da Obra dos Santos Anxos en Fátima. En 1979 emitiu votos solemnes na Orde dos Coéngos Regulares da Santa Cruz restaurada por Xoán Paulo II, e en novembro de 1980 foi nomeado prior xeral da orde. Finou en Leiria o 2 de agosto de 1985.
Categoría:Nados en 1904 Categoría:Nados no distrito de Leiria Categoría:Relixiosos católicos de Portugal Categoría:Irmáns da Santa Cruz Categoría:Bispos católicos de Portugal Categoría:Bispos da Igrexa católica latina Categoría:Finados en 1985