Nayib Armando Bukele Ortez, nado en San Salvador o 24 de xullo de 1981, é un político e empresario salvadoreño. Asumiu o cargo de presidente da República o 1 de xuño de 2019, sucedendo a Salvador Sánchez Cerén.
Traxectoria
Foi elixido alcalde de Nuevo Cuscatlán o 11 de marzo de 2012 e, posteriormente, de San Salvador o 1 de marzo de 2015. En ámbolos dous cargos públicos concorreu co partido Fronte Farabundo Martí para a Liberación Nacional (FMLN). Nas eleccións presidenciais de 2019, Bukele participou co partido Grande Alianza pola Unidade Nacional (GANA) e resultou elixido presidente da República ó obter maioría absoluta con 1 434 856 votos (53.10 %), sen necesidade dunha segunda volta. É o primeiro presidente, dende o remate da guerra civil, que non representa ningún dos dous partidos principais (ARENA ou FMLN) que gobernaran por trinta anos.
Notas
Categoría:Nados en 1981 Categoría:Nados en San Salvador Categoría:Presidentes do Salvador Categoría:Salvadoreños de ascendencia palestina