miniatura|230px|Exemplar de herbario de Vitellaria paradoxa adecuadamente montada nunha folla de papel, coa súa etiqueta de identificación. En botánica, un herbario (do latín herbarium)Font Quer, P. (1993): Diccionario de botánica. Barcelona: Editorial Labor, S. A. ISBN 84-335-0078-3, p. 558 é unha colección de plantas ou de partes de plantas, secadas, conservadas da mellor maneira posíbel, identificadas e acompañadas de información crítica como a identidade do colleiteiro, o lugar e a data da recolección e o hábitat onde se encontraba a planta.
Funcións e características A súa función é a do estudo ou a ensinanza da botánica. Aínda que primariamente se chamaba herbario a colección de plantas secas, hoxe tamén se coñece como herbario o espazo onde se encontra esta colección e á institución que a xestiona. As grandes coleccións adoitan residir en institucións de investigación, como xardíns botánicos e departamentos universitarios, e baséanse no traballo colleiteiro dos seus investigadores, ao que se suma o froito de frecuentes intercambios con institucións parecidas.
A confección dun herbario persoal é, ademais, unha ferramenta didáctica na educación botánica, útil non só por ofrecer unha base material para o estudo da diversidade das plantas, senón tamén pola experiencia que achega recoller as mostras no seu ambiente. Os maiores herbarios conteñen pregos procedentes de todo o mundo, pero existen tamén herbarios rexionais, especializados na flora dunha parte do mundo.Victor, J. E.; M. Koekemoer, L. Fish, S. J. Smithies & M. Mössmer [2004): Introduction Herbarium essentials: the southern African herbarium user guide. Introduction. Southern African Botanical Diversity Network. ISBN 1-9199-7601-9.
Sobre o material vexetal depositado nos herbarios fundaméntase unha parte importante da investigación botánica, sobre todo aquela referida á taxonomía, aínda que tamén es útil para estudos florísticos, bioxeográficos e, incluso, moleculares. O material do herbario é a testemuña das citas de plantas, das descricións das mesmas e dos materiais utilizados para propoñer novos taxons. O tipo nomenclatural ou espécime particular ou grupos de espécimes dun organismo do que se fai unha descrición científica que xustifica o nome científico dunha especie, é, na maioría dos casos, unha planta seca, depositada e conservada nun herbario.Herbario de la Universidad de Salamanca Introducción . Consultado o 9 de xullo de 2020.Hitchcock, A. S. (1921): "The Type Concept in Systematic Botany". American Journal of Botany 8 (5): 251–255.
Historia Este concepto de herbario é relativamente moderno. De feito, nos séculos XV e XVI, a palabra "herbario" tiña unha dupla acepción diferente ás actuais. En primeiro lugar utilizábase para designar un libro no que se enumeraban, describían e ilustraban principalmente plantas medicinais e os seus usos. En segundo lugar, tamén se utilizaba o termo "herbario" para referirse a un conxunto de plantas vivas cuxo propósito era o estudo ou o ensino da botánica.Moreno, Efraín J. (2007): "El herbario como recurso para el aprendizaje de la botánica". Acta Bot. Venez. 30 (2): 415-427.
Notas
Véxase tamén
Outros artigos Sistemática Taxonomía Xardín botánico Historia da botánica
Ligazóns externas Index Herbariorum. Base de datos consultábel dos herbarios do mundo .
Categoría:Termos botánicos