Despois da realización dos xogos intermedios de 1906 en Grecia, considerados non oficiais e que non tiveron os seus resultados computados polo Comité Olímpico Internacional, os Xogos da IV Olimpíada foron realizados en Londres, Gran Bretaña, entre o 27 de abril e o 31 de outubro de 1908. Orixinalmente deberían ter sido realizados en Roma, mais unha erupción do volcán Vesuvio obrigou ás autoridades italianas a usar todos os seus recursos económicos para combater os efectos da traxedia e a desistir de albergar os Xogos, que acabaron por ser transferidos á capital británica.

Considerados os primeiros Xogos realmente ben organizados para un evento desta envergadura, despois dos fracasados e improvisados Xogos de París e Saint Louis, a pesar de ter novamente a súa duración alongada por máis de seis meses, obtiveron o empeño persoal do Rei de Inglaterra para a súa realización e se desenvolveron no primeiro complexo olímpico construído, o Shepperd’s Bush Stadium, en White City, suburbio de Londres, con capacidade para cen mil espectadores e que constaba de estadio de fútbol, pista de atletismo, piscina, pista de ciclismo e instalacións para a ximnasia e a loita.

Inaugurados polo Rei Eduardo VII, os Xogos tiveron a participación de 22 estados e 2.008 atletas, entre eles 37 mulleres, que disputaron probas en tres deportes diferentes: tenis, ximnasia e patinaxe no xeo, embrión dos futuros Xogos de Inverno, do total de 24 modalidades. Foi nestes Xogos nos que Gran Bretaña, por primeira e única vez, liderou o cadro de medallas nunha olimpíada, nun total de 145 sendo 56 de ouro, máis do dobre dos seus entón máis férreos adversarios, os norteamericanos.

Modalidades disputadas miniatura|200px|esquerda|Atleta de saltos en disputa nos Xogos de 1908

Atletismo. Boxeo. Soga-tira. Ciclismo. Esgrima. Fútbol. Ximnasia. Hoquei sobre herba. Jeu de paume. Lacrosse. Loita. Motonáutica. Natación. Polo. Wáter-polo. Patinaxe sobre xeo. Raquetas. Remo. Rugby. Saltos de trampolín. Tenis. Tiro. Tiro con arco. Vela.

Cadro de medallas miniatura|150px|dereita|Medalla dos Xogos de Londres, 1908 Cadro de Medallas 50px Posición País   Gold     Silver     Bronze   Total 1 20px Reino Unido 56 51 38 145 2 20px Estados Unidos 23 12 12 47 3 20px Suecia861125 4 20px Francia55919 5 20px Alemaña35614 6 20px Hungría3429 7 20px Canadá331016 8 20px Noruega2338 9 20px Italia2204 10 20px Bélxica1528

Notas

Categoría:Deporte en 1908 Categoría:Xogos Olímpicos