miniatura|280px|Propodeo dunha formiga, indicado pola frecha En zooloxía denomínase propodeo ao primeiro segmento (tagma) abdominal dos insectos himenópteros da suborde dos apócritos (abellas, avespas e formigas).Garrido, Carlos (1997): Dicionário Terminológico Quadrilíngue de Zoologia dos Invertebrados. Alemám, Inglês, Espanhol, Galego-Português. A Coruña: AGAL. ISBN 84-8730-512-1.
Etimoloxía O nome científico propodeo é a adaptación do latín científico propodeum, alteración de propodeon, e está formado pola unión dos elementos pro- e -podeo, derivados do grego antigo πρό pro, "antes, diante de", e πόδιον pódium, "pé", respectivamente.propodeum no Merriam-Webster Dictionart.
Estrutura Este segmento fusionouse co tórax para formar o mesosoma. É un só esclerito grande, non subdividido, e ten un par de espiráculos. Está fortemente constrinxido posteriormente para formar a articulación do pecíolo, e dá aos apócritos a súa forma distintiva.propodeum, propodeal en bugguide.net . Os segmentos restantes do abdome levan o nome de metasoma ou, máis propiamente, gáster, neste grupo de himenópteros.
Pode haber unha sutura entre o propodeo e o tórax, como nos sínfitos,Malkiat S. Saini & Surjit S. Dhillon (1980): "Metapleural Transformations with Respect to Propodeum and Metapostnotum in Hymenoptera". The Florida Entomologist 63' (3): 286-292. Consultado o 9 de xuño de 2021. ou non, e a presenza ou ausencia desa sutura pode axudar na identificación de espécimes.
Noutros grupos de animais Crustáceos Nos crustáceos o propodeo é o nome do cuarto segmento do endopodio dos apéndices, situado entre o carpo e o dáctilo.
Moluscos Nalgúns moluscos gasterópodos mariños que viven en substratos brandos, o propodeo é a rexión anterior do pé, modifidada como unha gran sola en forma de pá, adaptada para a escavación.
Notas
Véxase tamén Outros artigos Himenópteros Apócritos Sínfitos Pecíolo (insectos)
Categoría:Termos zoolóxicos