Melankomas ou Melancomas (en ), que significa "Un co pelo negro", nado en Caria no século I, foi un púxil da Grecia antiga, campión olímpico no ano 49.
Traxectoria Melankomas naceu en Caria, sendo fillo dun campión de puxilato do mesmo nome, que viviu durante o século I. Fíxose un nome como un dos mellores boxeadores da Antiga Grecia, e foi campión olímpico no ano 49.
Supostamente tiña un estilo de boxeo único, bloqueando e evitando os golpes do rival sen lanzar el ningún golpe. Unha vez que os seus adversarios se esgotaban, perdían, quedando Melankomas como vencedor. Dión Crisóstomo relatou que era capaz de loitar así adestrando moito máis que os seus contemporáneos e grazas a unha resistencia inigualable, sendo capaz de loitar durante un día enteiro ou manter os brazos levantados durante dous días.
Melankomas morreu novo, ao redor do ano 70 d.C., durante os Xogos de Nápoles.
Legado Melankomas é coñecido principalmente polos discursos 28 e 29 de Dión Crisóstomo, nos que o escritor usa a súa vida como lenzo para discutir sobre o atleta ideal e o home ideal. Dión eloxia o seu atletismo, boa aparencia e corazón valente. Segundo este, Melankomas nunca perdeu un combate, golpeou a un rival ou foi golpeado por un rival. Temistio conta que o emperador Tito era o seu amante ().
Algúns eruditos cren que Melankomas foi unha persoa real, mentres que outros cren que el ou a súa historia foi un invento de Dión. Non hai nada que permita unha conclusión firme en ningún dos dous sentidos.
Notas
Véxase tamén Ligazóns externas
Discursos 28 e 29 de Dión Crisóstomo .
Categoría:Finados en ano descoñecido Categoría:Nados en ano descoñecido Categoría:Nados no século I Categoría:Púxiles da Grecia antiga Categoría:Vencedores nos Xogos Olímpicos da Antigüidade Categoría:Deportistas olímpicos da Roma antiga