Adolfo Anta Espino, nado en Bascois (Carballeda, Carballeda de Valdeorras) en 1905 e finado no mesmo concello en abril de 1991, foi un político e xornalista galego.
Traxectoria Emigrou mozo a Cuba. Instalado en Mariel, foi secretario do club de fútbol Sporting Club El Morro.Diario de la Marina, 17-1-1930, p, 17Ideal Gallego : 27-2-1930, p. 17. Colaborou en Diario de la Marina do que foi correspondente en Mariel),La Región, 3-1-1967, p. 2. El Diario Español, Ideal Gallego, La Tierruca e La Montaña."El ciclón del 26 en La Habana", La Región, 27-11-1969, p. 9. Viaxou á República Dominicana en 1932."A través de la vida", La Región, 18-8-1966, p. 17. Visitou Galicia en xullo de 1933.Diario de la Marina, 16-7-1933, p. 2. Retornou definitivamente a Carballeda de Valdeorras en 1934,La Región, 15-5-1968, p. 20. e instalouse en Sobradelo. Militou en Izquierda Republicana e foi presidente do Comité Municipal de Izquierda Republicana de Carballeda de Valdeorras. Logo da vitoria da Fronte Popular nas eleccións de febreiro de 1936, foi nomeado alcalde de Carballeda de Valdeorras.
Co golpe de Estado do 18 de xullo de 1936 colaborou cos sublevadosEl Pueblo Gallego, 13-11-1936, p. 4. ata que foi detido en xaneiro de 1937 ao descubrirse unha carta que lle dirixira ao exdeputado Manuel García Becerra o 19 de xullo de 1936 na que se ofrecía a defender a República coas armas. Xulgado en consello de guerra en Ourense o 12 de marzo de 1937 na causa 96/1937 acusado de rebelión militar,La Región, 16-3-1937, p, 2. foi condenado a prisión perpetua. Foille conmutada a pena pola de 15 anos de reclusión en 1938. Cumpriu condena no Forte de San Cristovo de Pamplona, onde ingresou o 14 de xullo de 1937 procedente da Prisión Provincial de Ourense.Fichas de presos (AGA) Anta Espino, Adolfo Concedéronlle a liberdade condicional en abril de 1941.BOE, 23-4-1941, p. 2818. Abríronlle expediente de responsabilidades políticas en setembro de 1942,BOE, 22-9-1942, p. 3707. que foi sobresido por ter bens inferiores a 25.000 ptas.
Foi correspondente de La Región en Carballeda de Valdeorras dende 1961, onde publicou crónicas baixo o epígrafe "A través de la vida" asinadas como Anta Espino. Pasou os seus últimos anos na residencia de Valdegodos. Finou no Hospital de Valdeorras en abril de 1991.La Voz de Galicia, O Barco, 27-4-1991, p. 72.
Vida persoal Fillo de Manuel Anta Ramos e Nieves Espino Vega.La Región, 8-12-1965, p. 19. Casou con Asunción Blanco Prieres, coa que tivo dous fillos: Luis e Blanca Anta Blanco. Casou en segundas nupcias con Amelia Arias Paniagua e foi pai de Remedios Anta Arias.
Notas
Véxase tamén Ligazóns externas Expediente de responsabilidades políticas de Adolfo Anta Espino
Categoría:Galegos de Cuba Categoría:Xornalistas de Galicia Categoría:Alcaldes de Carballeda de Valdeorras Categoría:Alcaldes de Galicia durante a II República Categoría:Alcaldes de Galicia por Izquierda Republicana Categoría:Nados en Carballeda de Valdeorras Categoría:Nados en 1905 Categoría:Finados en 1991