O Día Internacional da Muller Indíxena é unha conmemoración instituída en 1983 durante o Segundo Encontro de Organizacións e Movementos de América, para centrar a atención nas mulleres indíxenas, a súa historia, a súa situación e as súas perspectivas.
Orixe A data foi designada como homenaxe a Bartolina Sisa, muller dirixente indíxena aimará que foi asasinada o 5 de setembro de 1782 tras liderar unha sublevación indíxena contra a coroa española. A sublevación levou ao estabelecemento dun cerco á cidade da Paz en 1781.
Conmemoración Durante esta data organizacións sociais, organismos internacionais e autoridades maniféstanse facendo énfase nas condicións de vida actuais das mulleres indíxenas, así como salientando a información sobre as achegas das mulleres indíxenas na sociedade en todos os seus eidos no presente e durante toda a historia.
Notas
Véxase tamén Ligazóns externas Informe: repositorio.cepal.org pola Comisión Económica para América Latina e o Caribe (CEPAL), (2013). Mujeres indígenas en América Latina: dinámicas demográficas y sociales en el marco de los derechos humanos. Santiago de Chile, Chile: Nacións Unidas
Categoría:Días de concienciación Categoría:Muller