O Club do Mar Bueu é un club deportivo galego que participa en regatas de todas as categorías e modalidades de banco fixo, bateis, traiñeiriñas e traiñeiras dende a súa fundación en 1982. Dende 2024 compite na Liga ACT. Historia O club foi fundado en 1982 da man de Manuel Otero Pérez. Na primeira década da súa existencia conseguiu os seus primeiros logros, clasificándose para o Campionato de España de Bateis en 1987 e gañando en 1989 a primeira bandeira de traiñeiras da historia do club, a Bandeira Concello de Bueu. Despois das dificultades da década de 1990, o club viviu un rexurdir nos últimos anos do século, co pulo da canteira e das categorías femininas. En 2023, a traiñeira do club, a Maruxía, fixo historia ao rematar subcampioa da Liga Galega de Traiñeiras, por detrás de Ares, e máis tarde conseguir o ascenso á Liga ACT nos play-offs xunto a San Pedro.
Palmarés
2 ouros no Campionato de España de Bateis (2001 e 2021 - Xuvenil) 3 bronces no Campionato de España de Bateis (2003 - Infantil, 2003 e 2012 - Sénior Feminino, 2018 - Cadete) 3 ouros no Campionato Galego de Bateis (2018/2019/2020 - Sénior Masculino) 1 ouro no Campionato de España de Bateis (2020) 1 ouro no Campionato de España de Traiñeiriñas (2021 - xuvenil masculino) 1 ouro no Campionato de España de Traiñeiras (2022 - Absoluto Masculino) Ascenso á Liga ACT (2023)
Notas
Categoría:Bueu
Categoría:Clubs de remo de Galicia