Laura Yustres Vélez, nada en Fuenlabrada o 21 de abril de 1990, máis coñecida como Lala Chus, é unha actriz e cómica española. En 2024 foi recoñecida co Premio Ídolo.
Traxectoria Licenciouse en Comunicación Audiovisual. En 2018, tiña un espectáculo de comedia independente en Riot Comedy. Deuse a coñecer entre o gran público durante a pandemia de COVID-19 grazas ao contido das súas redes sociais.
Foi colaboradora de podcast como Estirando el chicle, gañador dun Premios Ondas, ou Cuerpos Especiales de Europa FM. Interpretou en 2020 o papel de Lydia Lozano na serie televisiva Veneno, de Javier Ambrossi e Javier Calvo (parella de directores coñecidos como "Los Javis"). Como actriz, tamén participou na comedia policial Sin novedad de Rodrigo Sopeña, así como nas miniseries Treintañeras a la deriva e Válidas. En 2023, formou parte da serie documental de Luc Loren Influencers: sobrevivir a las redes.
En 2023, converteuse en colaboradora adoita de La resistencia e, ao ano seguinte, de La Revuelta. En 2024 estreou un espectáculo propio xunto con Bertus, K decirte k no sepas, presentado no Festival Nacional da Comedia en Almería. Ese mesmo ano, tamén participou no Festival Cine Caliente, un ciclo de cinema que incorpora a perspectiva de humoristas. Ademais, foi presentadora das galas dos Premios Min e os Premios Ondas Globais do Podcast 2024.
O 5 de decembro de 2024 deuse a coñecer que presentará as badaladas de fin de ano en La 1 de Televisión Española xunto a David Broncano.
Traxectoria Programas de televisión AnoProgramaCanleRol2022Tu cara me suenaAntena 3Convidada2023Influencers: sobrevivir a las redesPrime Videomm2023-2024La resistenciaMovistar Plus+Colaboradora2024-presenteLa revueltaLa 1
Programas de radio AnoProgramaCanleRol2022-presenteEstirando el chiclePodium PodcastColaboradora
Recoñecementos En 2023, foi premiada durante a gala de Nadal celebrada no programa Las Uvas de La Ser. O ano seguinte, foi a pregoeira das festas do Entroido de Fuenlabrada. Tamén en 2024, a revista Forbes incluíuna na súa lista de Mejllres Creadores de Contido. Ese mesmo ano, foi recoñecida co Premio Ídolo na categoría de Humor.
Notas
Categoría:Nados en 1990 Categoría:Nados en Fuenlabrada Categoría:Humoristas de España