Adolfo Zon Pereira, nado en Seixalbo, Ourense o 23 de xaneiro de 1956, é un relixioso xaveriano galego radicado no Brasil. Dende 2015 é bispo da diocese de Alto Solimões, no Brasil.Ficha en catholic hierarchyFicha en GCatholic
Traxectoria Profesou na sociedade dos xaverianos o 2 de outubro de 1982. Foi ordenado sacerdote o 21 de xuño de 1986. Graduouse en teoloxía na Universidade Pontificia Comillas e estudou un mestrado en Teoloxía Pastoral na Universidade de Salamanca. Ao comezo da súa carreira sacerdotal, traballou na pastoral da Mocidade da arquidiocese de Pamplona e Tudela. Foi párroco na parroquia San Francisco Javier (1988-1992) e tesoureiro dos xaverianos.
En 1993, trasladouse ao Brasil, á parroquia de Nossa Senhora Rainha da Paz, na diocese de Abaetetuba. Foi membro do Consello Rexional de Cáritas do Norte na Conferencia Nacional de Bispos do Brasil, asesor na formación de laicos na Escola de Fe e Política, director da Escola Diocesana de Evanxelización; e vicerexional dos misioneiros xaverianos, de 2005 a 2010. Foi administrador económico da diocese de Abaetetuba (2005-2006). Foi profesor de Doutrina Social da Igrexa no Instituto Rexional de Formación Presbiteral no norte rexional 2 de CNBB.
Bispo O 27 de agosto de 2014, foi nomeado polo papa Francisco bispo coadxutor de Alto Solimões. Foi consagrado polo bispo Flávio Giovenale. Seis meses despois, substituíu a Evangelista Alcimar Caldas Magalhães á fronte da diocese.
Notas
Categoría:Nados en 1956 Categoría:Nados en Ourense Categoría:Bispos do Brasil Categoría:Alumnos da Universidade Pontificia Comillas Categoría:Personalidades da relixión de Galicia