Os termos monocromo, monocroma, monocromático e monocromática (do italiano monocromo, e este do grego μονόχρωμος monóchrōmos, composto de μονο mono -"un"- e χρωμα chroma -"cor" ou "pigmento", inicialmente "cor da pel"-) aplícanse a todo aquilo que ten unha soa cor.

Usos do termo en diversos campos

En arte, utilízase para referirse a unha paleta ou, por metonimia, a unha obra sobre tea, táboa ou bota, composta cunha única cor ou en branco e negro.

En física, utilízase máis para referirse á luz monocromática, unha radiación electromagnética dunha soa lonxitude de onda ou unha radiación que ten vibracións da mesma frecuencia. Do punto de vista físico, ningunha fonte de radiación electromagnética é puramente monocromática, pois iso requiriría unha onda de duración infinita. Mesmo fontes desta radiación como os láseres teñen un pequeno rango de lonxitudes de ondas (coñecido como ancho de banda da fonte) sobre o que operan. En informática, monocromo ten varios significados: pode indicar que se ten unha soa cor que está aceso ou apagado ou tamén que ten tons intermedios, polo que ten a mesma ambigüidade que branco e negro. Para unha imaxe o termo monocromo é esencialmente branco e negro, pero ás veces prefírese o termo monocromo para indicar que pode ser en realidade «branco e verde», «verde e negro», etcétera.

Un monitor monocromo só dispón dunha cor, normalmente branco ou verde ou cor ámbar alaranxado, e normalmente tamén tons intermedios (grises ou tons verdes máis ou menos escuros, respectivamente). "Monocromático" úsase principalmente nas tarxetas gráficas. O uso de monocromático en informática fai así mesmo referencia máis ao uso, como en física. Monocroma é a radiación dos feixes de luz do CRT (tubo de raios catódicos) que ao chocar contra a pantalla, debido ás diferenzas de frecuencias que pode xerar naquela, a imaxe que se visualiza contén cores comunmente chamadas cores intermedias.(Véxase cores complementarias e modelo de cor RGB). É incorrecto dicir que unha fotografía, imaxe ou pantalla é branco e negro cando poden apreciarse sombras ou cores intermedias, sendo en realidade unha imaxe en escala de grises.

En bioloxía, reférese aos animais cunha soa cor ou tinta que os caracteriza, pero tamén aos animais de só dúas cores como monocromáticos como, por exemplo, a cebra.

Notas

Véxase tamén

Cor Policromía

Categoría:Cor Categoría:Física Categoría:Luz