Aneurin Bevan, coñecido tamén como Nye Bevan, nado en Tredegar (Monmouthshire, Gales) o 15 de novembro de 1897 e finado en Chesham (Buckinghamshire, Inglaterra) o 6 de xullo de 1960, foi un sindicalista e político socialista galés do Partido Laborista do Reino Unido. É coñecido sobre todo polo seu papel na creación do Servizo Nacional de Saúde do Reino Unido (National Health Service, NHS), posto en marcha en 1948.
Traxectoria Nado nunha familia mineira de Tredegar, Bevan comezou a traballar nas minas de carbón sendo novo e participou no movemento sindical mineiro antes de entrar na política parlamentaria. Foi elixido deputado por Ebbw Vale en 1929, escano que conservou ata a súa morte.
Foi unha das figuras destacadas da esquerda laborista británica de mediados do século XX. No goberno de Clement Attlee foi ministro de Sanidade entre 1945 e 1951, período no que impulsou a creación do Servizo Nacional de Saúde, inaugurado o 5 de xullo de 1948. O NHS converteuse nun dos elementos centrais do estado de benestar británico, ao garantir asistencia sanitaria pública e gratuíta. esquerda|miniatura|Aneurin "Nye" Bevan coa súa muller, Jennie Lee.
Na cultura popular A obra teatral Nye, escrita por Tim Price e protagonizada por Michael Sheen, estreouse no National Theatre de Londres en 2024, nunha coprodución co Wales Millennium Centre, e recrea a vida de Bevan e a creación do NHS.
A canción Distant Colours, do grupo galés Manic Street Preachers, foi descrita como unha reflexión sobre a desilusión coa esquerda británica contemporánea e coa distancia respecto ao laborismo clásico asociado a Nye Bevan.
Notas
Véxase tamén
Outros artigos Sanidade Sanidade pública
Ligazóns externas Aneurin Bevan and the foundation of the NHS
Aneurin Bevan no Dictionary of Welsh Biography
Categoría:Políticos de Gales
Categoría:Socialistas Categoría:Finados en 1960 Categoría:Nados en 1897 Categoría:Nados en Gales Categoría:Finados por cancro