Víctor Martínez Moya, coñecido deportivamente como Chuca, nado en Jacarilla o 10 de xuño de 1997, é un futbolista valenciano que xoga na posición de centrocampista. Na tempada 2026/27 forma parte do FK Sloga Doboj da Liga Premier de Bosnia e Herzegovina.
Traxectoria en clubs Villarreal Chuca formouse nas categorías inferiores do Villarreal Club de Fútbol. O seu debut sénior co Villarreal B tivo lugar o 17 de abril de 2016, cando foi xogador substituto nunha derrota por 1-2 contra o Club Deportivo Eldense da Segunda División B.
O 28 de agosto de 2016 anotou o seu primeiro gol sénior co Villarreal C, o segundo do equipo nunha vitoria por 3-2 perante o CD Torrevieja da Terceira División. O debut profesional de Chuca co primeiro equipo aconteceu o 10 de setembro de 2017, cando foi substituto de Manu Trigueros nunha vitoria por 3-1 contra o Real Betis da Primeira División.
Cesión ao Elche O 23 de xullo de 2018 comezou un contrato temporal dunha tempada co Elche Club de Fútbol da Segunda División. Tras pouco tempo de xogo, o 23 de xaneiro de 2019 acordouse finalizar a cesión.
Etapa na liga polaca No verán de 2019 Chuca trasladouse a Polonia e fichou polo Wisła Kraków da Ekstraklasa. O 27 de agosto de 2021 foi traspasado ao Miedź Legnica, equipo no que foi titular habitual durante a tempada 2021/22 e no que alcanzou o ascenso á I Liga de Polonia.
Cesión ao Racing de Ferrol En xullo de 2023 foi cedido por un ano ao Racing de Ferrol, que viña de ascender á Segunda División.
Salamanca O 21 de xaneiro de 2025 asinou un contrato de seis meses co Unionistas de Salamanca da Primeira Federación.
Cartagena O 24 de xullo de 2025 fíxose oficial a incorporación de Chuca ao Fútbol Club Cartagena da Primeira Federación.
Arenteiro O 20 de xaneiro de 2026 anunciose a fichaxe de Chuca polo Club Deportivo Arenteiro da Primeira Federación.
Sloga Doboj O 3 de xullo de 2026 pasou a formar parte do FK Sloga Doboj da Liga Premier de Bosnia e Herzegovina.
Palmarés Miedź Legnica I Liga de Polonia: 2021-22
Notas
Véxase tamén Ligazóns externas Chuca en LaPreferente.com
Categoría:Nados en 1997 Categoría:Nados na provincia de Alacant Categoría:Futbolistas da Comunidade Valenciana Categoría:Centrocampistas de fútbol Categoría:Xogadores do Villarreal CF C Categoría:Xogadores do Villarreal CF B Categoría:Xogadores do Villarreal CF Categoría:Xogadores do Elche CF Categoría:Xogadores do Wisła Kraków Categoría:Xogadores do Racing de Ferrol Categoría:Xogadores do Unionistas de Salamanca Categoría:Xogadores do FC Cartagena Categoría:Xogadores do CD Arenteiro