Kill Bill (Matar a Bill) é a cuarta película escrita e dirixida por Quentin Tarantino. Uma Thurman actúa no papel de Beatrix Kiddo, un personaxe coñecido durante a película simplemente como "a noiva", quen decide tomar vinganza de Bill (David Carradine) e o seu escuadrón. Outros membros do elenco son Vivica A. Fox, Lucy Liu, Michael Madsen, Sonny Chiba e Daryl Hannah. Debido á duración de catro horas da película orixinal, decidiuse durante a produción separar a película en dúas partes, chamadas "Volume 1" e "Volume 2", lanzadas en outubro de 2003 e febreiro de 2004 respectivamente. A película comezou cunha dedicatoria ó director xaponés Kinji Fukasaku. Unha edición diferente da película foi lanzada especificamente para Xapón, e foi estreada varias semanas máis tarde. Mentres que a versión estadounidense mostra a escena da batalla contra o grupo "Os 88 maníacos" en branco e negro, a versión xaponesa e europea a mostra totalmente en cor. A rodaxe da película durou 8 meses e moitas das súas escenas foron filmadas no Xapón. Miramax é a distribuidora nos Estados Unidos.
Título Kill Bill pode traducirse literalmente como "Matar a Bill".
Por outra banda, en xaponés non se distingue a l da r, e o título lese "?????" (Kiru Biru). O verbo kiru (切る) significa "cortar" ou "rebanar", como cunha catana.
Trama Volume 1
miniatura|esquerda|Uma Thurman, quen interpreta a "A Noiva". Beatrix Kiddo (tamén coñecida como A noiva ou Mamba Negra, interpretada por Uma Thurman) é unha ex integrante de "The Deadly Viper Assasination Squad" (O Escuadrón de asasinos as Víboras Mortíferas) que intenta retirarse, pero, estando embarazada de varios meses, é atacada no ensaio da súa voda polo escuadrón. Todos os presentes son asasinados e ela recibe un disparo na cabeza, o que a deixa en estado de coma. Mentres se atopaba inconsciente, Bill envía a Elle Driver (Daryl Hannah) para eliminala, o cal resulta non pasar polo arrepentimento de Bill e decide deixala vivir ata o día en que esperte.
Catro anos máis tarde esperta no hospital sen o seu bebé ante a presenza de Buck, un empregado do hospital que arranxaba sesións de prostitución co seu corpo, e que se dispón a violala; ela víngase del, aprópiase da súa camioneta e comeza a súa aventura para tamén vingarse dos seus antigos compañeiros.
Viaxa primeiro a Okinawa, Xapón, onde solicita ó mestre Hattori Hanzo unha catana coa cal poder consumar a súa vinganza. Hattori Hanzo foi mestre de Bill, e sentindo unha profunda obrigación por tela adestrado, acepta.
Viaxa a Tokyo, onde non perde tempo para localizar a O-Ren Ishii (Lucy Liu), unha xaponesa mestiza deixada orfa polos yakuza (quen mataron o seu pai e nai estando ela presente debaixo da cama). Mata a "Os 88 Tolos", o grupo encargado da seguridade de O-Ren, e perseguíndoa ata un patio nevado, onde teñen un do de catanas, resultando a morte de O-Ren Ishii. Consegue información acerca de Bill e os seus outros compañeiros torturando e mutilando a Sofie Fatale, unha das amantes de Bill e avogada de Ou-Ren.
Na súa viaxe de retorno ós Estados Unidos, confecciona unha "lista de morte" e logo, unha vez de volta no seu país mata a Vernita Green (Vivica A. Fox), a segunda na lista.
miniatura|esquerda|140px|David Carradine, quen interpreta a Bill.
Volume 2
Con esta entrega Tarantino pon punto e final á cruzada de vinganza comezada por a Noiva no primeiro volume. Tras eliminar a dous dos seus inimigos na primeira parte, só lle quedan dous nomes na súa lista de exterminio: Budd (Michael Madsen) e Elle Driver (Daryl Hannah). Unha vez que os aniquilou poderá alcanzar o seu último obxectivo, Bill (David Carradine), o seu antigo xefe e amante, o home que ordenou a súa execución.
No DVD do filme, déixase a interrogante aberta se efectivamente Elle Driver morre, xa que nos créditos dos personaxes e os seus intérpretes, táchanse os nomes dos que morreron a mans de a Noiva; con todo, cando aparece o nome de Daryl Hannah, móstrase un signo de interrogación.
Elenco Uma Thurman David Carradine Lucy Liu Daryl Hannah Vivica A. Fox Michael Madsen Chiaki Kuriyama
Véxase tamén Ligazóns externas Kill Bill Volume 1 & 2 at tarantinoboard.com
Categoría:Filmes dos Estados Unidos de América Categoría:Filmes en lingua inglesa Categoría:Filmes de 2003 Categoría:Filmes de 2004 Categoría:Filmes feministas Categoría:Filmes sobre vinganza