Anilocra physodes miniatura|centro|200px| Parella de piollos de mar parasitando un lábrido en Oleiros, Galiza Clasificación científica Reino: Animalia Filo: Arthropoda SubFilo: Crustacea Clase: Malacostraca Subclase: Eumalacostraca Superorde: Peracarida Orde: Isopoda SubOrde: Flabellifera Familia: Cymothoidae Xénero: Anilocra Especie Anilocra physodes
O piollo dos peixes, papulo, papulo común, piollo do mar, carracho do mar ou carrapato do marA Chave (2020): Os nomes galegos dos crustáceos. Xinzo de Limia (Ourense): A Chave (Anilocra physodes, Linnaeus 1758 ) é un crustáceo mariño parasitario de peixes. É un dos organismos máis grandes que parasitan os peixes, e en Galiza pódese atopar parasitando frecuentemente lábridos (vellos, maragotas), sargos etc).
Fisioloxía De cor gris ou gris-acastañado, este parasito amosa o aspecto típico dos crustáceos isópodos (iso: igual, podos: patas), deprimido ventralmente. Un exemplo á nosa vista dun exemplar da mesma división é o Armadillidium vulgareficha en www.marenostrum.org ., crustáceo terrestre que podemos atopar na humidade.
Presenta pequenas antenas na testa. Nas extremidades da anilocra, que están distribuídas en sete pares, pódese apreciar como se adaptaron estes crustáceos á alimentación parasitaria, posuíndo garfos para a fixación no peixe e a succión do sangue do mesmo, en troques de patas convencionaisFicha en www.asturnatura.com .. No caso de se desprenderen do peixe, nadan até atopar un novo hospedador.
Xeralmente atópanse en parellas (macho e femia) e case sempre na cabeza do peixe, xa que isto garante a presenza de sangue e así evitan as escamas, máis duras de fender.
Os machos son pequenos, miden até un máximo de 2 centímetros. As femias son máis grandes e están adaptadas para conter os ovos, chegando a medir até 4 centímetros, sendo a miúdo máis escuras que os machos.
Distribución Pódense atopar no océano Atlántico e no mar MediterráneoFicha en www.marinespecies.org.
Galería de imaxes
Notas
Categoría:Crustáceos