Californication é o sétimo álbum de estudio da banda estadounidense de rock Red Hot Chili Peppers. Foi editado o 8 de xuño de 1999 a través do selo Warner Bros. Records. O disco foi producido por Rick Rubin e xunto con Blood Sugar Sex Magik, Californication é un dos traballos do grupo con máis vendas.
Californication marcou o regreso do guitarrista John Frusciante, que xa aparecera anteriormente en Mother's Milk e Blood Sugar Sex Magik, e cambiou o estilo da banda. As letras incorporaba as insinuacións sexuais xa asociadas á banda, pero engadían temas como a morte, o suicidio, California, as drogas, a globalización e as viaxes.
Californication é o álbum de estudio de maior éxito comercial dos Red Hot Chili Peppers a nivel internacional, con máis de 15 millóns de copias vendidas en todo o mundo, vendendo máis de sete millón tan só nos Estados Unidos. En 2002 o álbum vendera máis de catro millóns de copias en Europa. O disco xerou varios éxitos para a banda, incluíndo "Otherside", "Californication" e o premio Grammy "Scar Tissue". Californication alcanzou o número tres do Billboard 200 dos Estados Unidos.
O disco supuxo un cambio significativo de estilo para a banda. Greg Tate de Rolling Stone sinalou que "aínda que todos os proxectos anteriores dos Chili Peppers eran moi animados, Californication atrévese a ser espiritual e epifánico". Outro crítico, Paul Verna de Billboard, mencionou que o álbum sacou "o lado máis suave e melódico do grupo", a diferenza dos seus seis álbums anteriores.Verna, Paul (19 de xuño de 1999). "Reviews & Previews". Billboard. p. 17
Listaxe de cancións
Notas
Categoría:Álbums de Red Hot Chili Peppers Categoría:Álbums musicais de 1999 Categoría:Álbums producidos por Rick Rubin Categoría:Álbums de Warner Bros. Records