A Asperiña é un lugar da parroquia de Carballedo, no concello pontevedrés de Cerdedo Cotobade. Segundo o IGE en 2007 tiña 23 habitantes (10 homes e 13 mulleres), dous menos ca en 2006.
Patrimonio Neste lugar están o muíño da Ouriceira e o muíño do Lombiño, os dous no rego de Chan das Latas (afluente do río Almofrei).
Tamén hai tres petróglifos. O da Cova da Serpe é unha rocha na cima dun outeiro, gravada na idade de Bronce. O petróglifo de Chan das Latas inclúe unha pedra gravada na idade de Ferro cunha combinación circular, e un grupo de tres pedras gravadas na idade de Bronce e unha mámoa. Estas últimas pedras inclúen combinacións circulares e un círculo con cazoletas.
Lugares e parroquias Lugares de Carballedo
Parroquias de Cerdedo Cotobade
Categoría:Lugares de Cerdedo Cotobade