Guillermo Rojo Sánchez, nado na Coruña o 29 de marzo de 1947, é un lingüista galego. Na súa mocidade formou parte do colectivo musical Voces Ceibes.
Traxectoria Estudante de Filoloxía Románica na Universidade de Santiago de Compostela, a súa etapa universitaria coincide coas mobilizacións estudantís compostelás de abril de 1968. Nese contexto, Guillermo Rojo participará no que será considerado o acto fundacional da Nova Canción Galega, o recital na Facultade de Medicina o 26 de abril de 1968. Diante dunhas 2000 persoas, e acompañado de Benedicto, Xavier, Xerardo Moscoso, e Vicente Araguas, Guillermo Rojo interpreta as cancións Quen tivera vinte anos, Tirade ao chan os fusiles, A vós irmáns e Señor, eu fun poeta. Deste xeito fica vencellado ao grupo que uns días despois conformará o colectivo Voces Ceibes, e participa tamén do seu concerto máis importante, o 1 de decembro do mesmo 1968 no cine Capitol de Compostela. Guillermo Rojo é un dos membros do colectivo que gravará un traballo discográfico coa casa barcelonesa Edigsa, un EP de catro temas baixo o nome de “Guillermo”. Malia isto, abandonará o colectivo xunto coa carreira musical no ano 1970. Carreira como Lingüista Formado na escola de Emilio Alarcos, Guillermo Rojo é especialista en teoría sintáctica do español e experto en Lingüística Informática. Dende 1970 imparte clases na Universidade de Santiago de Compostela, sendo catedrático de Lingua Española na mesma dende 1981.
O 27 de xaneiro de 2000 é elixido para ocupar a cadeira (N) da Real Academia Española (RAE) como membro de número, substituíndo o escritor Torcuato Luca de Tena, finado en 1999. Tomou posesión o 7 de outubro de 2001 e o seu discurso de ingreso tratou sobre o lugar da sintaxe nas primeiras gramáticas da Academia.
É director académico do Banco de Datos do Español e tamén coordinador científico de Lingüística do Centro Ramón Piñeiro para a Investigación en Humanidades, dependente da Xunta de Galicia.
Obras Discografía Guillermo (EP, Edigsa-Galaxia EGCM 5, Barcelona, 1968). Inclúe os temas A velliña, A vós hirmáns, Quen tivera vinte anos e Vento de inxusticia.
Libros Cláusulas y oraciones (1978) Aproximación a las actitudes lingüísticas del profesorado de E.G.B. en Galicia (1979) Aspectos básicos de sintaxis funcional (1983) El lenguaje, las lenguas y la lingüística (1986)
Artigos en revistas "La temporalidad verbal en español", en Verba: Anuario galego de filoloxia (1974) "Sobre la coordinación de adjetivos en la frase nominal y cuestiones conexas", en Verba: Anuario galego de filoloxia (1975) "La correlación temporal", en Verba: Anuario galego de filoloxia (1976) "Réplica a 'Nuevas observaciones sobre la coordinación en la frase nominal'", en Verba: Anuario galego de filoloxia (1976) "La función sintáctica como forma del significante", en Verba: Anuario galego de filoloxia (1979) "Conductas y actitudes lingüísticas en Galicia", en Revista española de lingüística (1981) "Evolución del concepto de función sintácticas de Martinet", en Verba: Anuario galego de filoloxia (1981) "En torno a las actitudes lingüísticas de los profesores de E.G.B. en Galicia", en Revista de educación (1981) "La situación lingüística gallega", en Revista de Occidente (1982) "En torno al concepto de articulación", en Verba: Anuario galego de filoloxia (1982) "Temporalidad y aspecto en el verbo español", en LEA: Lingüística española actual (1988) "La base de datos sintácticos del español actual", en Español actual: Revista de español vivo (1993) "Estado actual y perspectivas de los estudios gramaticales de orientación funcionalista aplicados al español", en Verba: Anuario galego de filoloxia (1994) "Veinticinco años de estudios sobre sintaxis del español (España)", en LEA: Lingüística española actual (2003)
Colaboracións "Aportaciones al estudio de la auxiliaridad", en Actas del cuarto Congreso Internacional de Hispanistas (1982) "Diglosia y tipos de diglosia", en Philologica hispaniensia : in honoren Manuel Alvar (1985) "Relaciones entre temporalidad y aspecto en el verbo español", en Tiempo y aspecto en español (1990) "Problemas lingüísticos e informáticos en los diccionarios de construcción y régimen", en Actas del Congreso de la Lengua Española: Sevilla, 7 al 10 octubre, 1992 (1994) "Sobre la distribución de las formas "llegara" y "llegase" en español actual", en Scripta philologica in memoriam Manuel Taboada Cid (1996) "El tiempo verbal: los tiempos simples", en Gramática descriptiva de la lengua española (1999) "La explotación de la Base de datos sintácticos del español actual (BDS)", en Gramática española : enseñanza e investigación (2001) "La frecuencia de los esquemas sintácticos clausales en español", en Lengua, variación y contexto: estudios dedicados a Humberto López Morales (2003)
Ademais, dirixe proxectos da RAE dende 1995.
Véxase tamén Bibliografía
Ligazóns externas Páxina persoal
Categoría:Lingüistas de Galicia Categoría:Voces Ceibes Categoría:Medalla de Prata de Galicia Categoría:Académicos da Real Academia Española Categoría:Alumnos da Universidade de Santiago de Compostela Categoría:Profesores da Universidade de Santiago de Compostela Categoría:Nados na Coruña Categoría:Nados en 1947 Categoría:Personalidades de Galicia sen imaxes