Cornelius "Connie" Hawkins, nado o 17 de xullo de 1942 en Brooklyn, Nova York, é un ex xogador de baloncesto estadounidense, membro do Hall of Fame, da NBA e da ABA, ademais de ser unha lenda do "playground" neoiorquino.
Carreira Ligas menores e ABA Hawkins nun principio viaxou por todo o mundo cos Harlem Globetrotters. Aos 19 anos fichou por Pittsburgh Rens da ABL, e foi nomeado MVP da tempada. En 1967 naceu unha nova liga, a ABA, que incluía a Pittsburgh Pipers, equipo que asinou ao mozo Hawkins e lideroulle a un balance de 54-24 e ao campionato. Ademais, gañou o título de máximo anotador da tempada e os MVP da tempada e dos playoffs.
NBA Posteriormente, Hawkins xogou sete tempadas na NBA en Phoenix Suns, Los Angeles Lakers e Atlanta Hawks. Disputou catro All-Star Games e foi nomeado no mellor quinteto da tempada 1969-70. O seu dorsal 42 foi retirado polos Suns.
Connie Hawkins entrou no Basketball Hall of Fame en 1992. Trala elección en 1996 por parte da NBA dos "50 mellores xogadores da historia da NBA", na cal non está incluído Hawkins, a cadea de televisión de Ted Turner, a TNT, elixiuno con motivo dos dez anos retransmitindo a liga, unha ampliación da lista con 10 xogadores máis, entre os cales si que se atopa.
Ligazóns externas Perfil na web do Basketball Hall of Fame
Categoría:Xogadores de baloncesto da NBA Categoría:Xogadores de baloncesto dos Estados Unidos de América Categoría:Xogadores dos Phoenix Suns Categoría:Xogadores dos Los Angeles Lakers Categoría:Xogadores dos Atlanta Hawks Categoría:Membros do Salón da Fama da NBA Categoría:Alas de baloncesto Categoría:Nados en Brooklyn