Xerardo Álvarez Limeses, nado en Pontevedra o 10 de decembro de 1871 e finado na mesma cidade o 19 de febreiro de 1940, foi un mestre e escritor galego.

Traxectoria Fillo de Emilio Álvarez Giménez e irmán de Darío Álvarez Limeses, cursou o Bacharelato en Pontevedra e participou canda a Víctor Said Armesto na fundación do ateneo Los Amigos del Progreso, no que comezou a súa faceta de escritor. Fixo a carreira de Dereito na Universidade de Santiago de Compostela e a de Maxisterio en Madrid, dedicándose despois a Inspector de Ensino Primario. Foi secretario das Xuntas de Instrución Pública de Palencia e Ourense, e en 1904 comezou a traballar como inspector de Primeira Ensinanza de Cádiz. Foi Profesor de Dereito e Lexislación Escolar en Lugo. Foi inspector xefe de Primeira Ensinanza de Ourense e en febreiro de 1914 foi nomeado para o mesmo cargo na provincia de Pontevedra,El Noticiero Gallego, 11-2-1914, p. 2. posto do que dimitiu en marzo de 1933.El Compostelano, 10-3-1933, p. 2. Volveu ser nomeado de inspector xefe de Pontevedra en marzo de 1934,El Pueblo Gallego, 13-3-1934, p. 3. continuando como tal despois do golpe de Estado do 18 de xullo de 1936, sendo cesando no cargo polo seu estado de saúde en xuño de 1938.El Compostelano, 6-6-1938, p. 2.

Foi académico correspondente da Real Academia Galega, pertenceu á Sección de Historia do Seminario de Estudos Galegos (onde presentou un estudo sobre o padre Sarmiento) e cofundador e vicedirector do Museo Provincial de Pontevedra, do que se fixo cargo tras o falecemento de Casto Sampedro. Foi redactor das revistas El Iris Literario e Extracto de Literatura e despois fundou Galicia Moderna. Dirixiu El Perdigón en Palencia e El Maestro Gallego, Galicia Ilustrada (da que só apareceu o número 0) e Mi Tierra en Ourense. Colaborou con El Diario de Pontevedra, Faro de Vigo e La Correspondencia Gallega.

Obra En castelán miniatura|300px|Arriba de esq. a der.: Darío Álvarez Limeses, Emilio Álvarez Giménez e Xerardo Álvarez Limeses. Abaixo de e. a d.: María Álvarez Limeses (muller de Celso García de la Riega), Carmen Álvarez Limeses (muller de José Buela), Amalia Limeses Iglesias (muller de Emilio), o neno Xosé Álvarez Limeses e María Gallego Martínez (muller de Xerardo). Margaritas (poesía; Madrid, 1893) Versos morales (poesía; Pontevedra, 1895) Leyendas gallegas. Santa Trahamunda (Tui, 1917) El emisario de Oriente (drama en verso) Geografía General del Reino de Galicia (Tomo VI, provincia de Pontevedra; 1928)

En galego Antre dous séculos (poesía; Pontevedra, 1934). Con prólogo de Castelao e cuberta de Luís Pintos Fonseca.Despois incluído na Biblioteca de Autores Galegos. Reeditado en 2021 por Galaxia.

Galardóns miniatura|300px|Membros do SEG en 1928: De esquerda a dereita na fileira de atrás: Ramón Otero Pedrayo, Antón Losada Diéguez, Florentino López Cuevillas, Vicente Risco, Carballo Calero, Xosé Filgueira Valverde, Sebastián García Paz, Luís Pintos Fonseca, Antón Fraguas, Bibiano Fernández Osorio-Tafall. Sentados: Isidro Parga Pondal, Abelardo Moralejo Laso, Xesús Carro García, Salvador Cabeza de León, Joaquín Arias Sanjurjo, Xerardo Álvarez Limeses e Juan Novás Guillán. Entre 1900 e 1920 participou en certames e Xogos Florais nos que obtivo varios premios:

Premio de honra no Certame Pedagóxico de Santiago de Compostela de 1905 por "Canto a la mujer gallega como madre y como maestra" Mención honorífica en Compostela o 23 de xullo de 1912 por "La mujer gallega" (tríptico de sonetos) Dous accésits en Pontevedra o 18 de setembro de 1912 en Poema con liberdade de asunto e metro; premio en romance de menos de cen versos; accésit en soneto en versos alexandrinos Premio en Lugo o 5 de outubro de 1915 por poesía en oitavas reais sobre Viveiro Premio en Tui en 1925 -milenario de San Paio- por "Canto a Galicia" (en galego) e "Oda a Tuy". Premio en Vigo en 1929 por "Canto a la mujer gallega". Recoñecementos

Na súa honra leva o seu nome o CEIP Álvarez Limeses de Pontevedra.http://www.edu.xunta.gal/centros/ceipalvarezlimeses/ Vida persoal Casou con Dolores Gallego Martínez, e foi o pai de Gerardo, Emilio, Enriqueta e Amalia Álvarez Gallego, que casou con Alexandre Bóveda.

Notas

Véxase tamén

Bibliografía

Outros artigos Seminario de Estudos Galegos Ligazóns externas Ficha do autor en Xerais Almanaque das Irmandades

Categoría:Escritores de Galicia en lingua castelá Categoría:Escritores de Galicia en lingua galega Categoría:Poetas de Galicia Categoría:Nados en Pontevedra Categoría:Nados en 1871 Categoría:Finados en 1940 Categoría:Membros do Seminario de Estudos Galegos Categoría:Membros correspondentes da Real Academia Galega Categoría:Poetas en lingua galega Categoría:Alumnos da Universidade de Santiago de Compostela Categoría:Escritores de Galicia coa obra no dominio público Categoría:Directores do Museo de Pontevedra