Fernando de la Rúa, nado en Córdoba o 15 de setembro de 1937 e finado en Belén de Escobar o 9 de xullo de 2019, foi un avogado e político arxentino da Unión Cívica Radical.
Orixe Aínda que posuía ascendencia italiana por vía materna, por parte paterna a súa orixe era galega, xa que o seu avó paterno era natural de Bueu.
Traxectoria miniatura|Monumento en Bueu a Fernando de la Rúa Asumiu como presidente da Arxentina pola Alianza o 10 de decembro de 1999, sucedendo ao segundo goberno de Carlos Menem. Aínda que o seu mandato se estendeu até o ano 2003, renunciou ao cargo o 20 de decembro de 2001, no medio de numerosas protestas sociais durante a crise de decembro de 2001 na Arxentina. A consecuente acefalia presidencial obrigou á reunión dunha Asemblea Lexislativa que determinase quen debía continuar exercendo o cargo, sendo substituído por Federico Ramón Puerta, Adolfo Rodríguez Saá, Eduardo Camaño e finalmente Eduardo Duhalde no curso duns poucos días.
Véxase tamén
Ligazóns externas Páxina non oficial de Fernando de la Rúa
Categoría:Presidentes da Arxentina Categoría:Nados en 1937 Categoría:Finados en 2019 Categoría:Nados en Córdoba, Arxentina Categoría:Nados na diáspora galega Categoría:Arxentinos de ascendencia galega Categoría:Senadores do Congreso da Nación Arxentina