Aleksandr Andreevich Baranov (en ), nado en Kargopol en 1746 e finado en Batavia en 1819, foi un explorador e comerciante ruso.
Traxectoria Baranov escapou da casa aos quince anos e converteuse nun comerciante de éxito en Irkutsk. Interesado na Rusia americana (agora Alasca) polo aumento do comercio nesa rexión, estableceuse alí. Entre 1799 e 1818 foi o director da Compañía Ruso-Americana, favoreceu a expansión rusa no Pacífico, internándose por California.
Preocupado polos nativos abriu escolas, pero entrou en conflito cos misioneiros ortodoxos, que frecuentemente denunciaban a explotación dos nativos polos comerciantes de peles. Morreu durante a viaxe que o levaba de volta á Rusia.
Categoría:Personalidades de Rusia Categoría:Exploradores Categoría:Personalidades da empresa Categoría:Nados en 1746 Categoría:Finados en 1819 Categoría:Nados no óblast de Arkhanguelsk